ରିଆମାଳ,୦୯/୧୨: ରେଙ୍ଗାଲପାଲି ଛକ ପାଖରୁ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି । ମୃତକ ରିଆମାଳ ଥାନା ଅନ୍ତର୍ଗତ ପୋଇପାଣି ଗ୍ରାମର ତ୍ରିଲୋଚନ ନାୟକ (୫୭)ବୋଲି ଜଣା ପଡିଛି । ଦେବଗଡ ଜିଲ୍ଲା ରିଆମାଳ ଥାନା ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରବିବାର ସଂନ୍ଧ୍ୟା ୭ଟା ସମୟରେ ଲୁଲଙ୍ଗର ବନ୍ଧୁଙ୍କ ଘରୁ ଫେରିବା ସମୟରେ ମୃତ୍ୟୁ ହୋଇଥିବା ଜଣା ପଡିଛି । ମୃତଦେହଟି ୫୩ନଂ ଜାତୀୟ ରାଜପଥ ରେଙ୍ଗାଲପାଲି ଛକ ନିକଟରୁ କିଛି ଦୂରରେ ସନ୍ଦେହ ଜନକ ଭାବରେ ପଡିଥିବା ଦେଖି ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ରିଆମାଳ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ବ୍ୟବଚ୍ଛେଦ ପରେ ସମ୍ପୂର୍ଣ୍ଣ ଘଟଣା ଜଣାପଡିବ ବୋଲି ପୋଲିସ ସୂତ୍ରରୁ ଜଣା ପଡିଛି । ତେବେ ଅଜଣା ଗାଡି ଧକ୍କାରେ ମୃତ୍ୟ ହୋଇଛି ନା ଏହା ଏକ ହତ୍ୟା ତାହାର ତଦନ୍ତ ଚଳାଇଛି ପୋଲିସ ।
