ଦେବଗଡ,୫।୧୨ : ରେଙ୍ଗାଳୀ ଡ୍ୟାମ ଜଳ ଭଣ୍ଡାର ମଧ୍ୟରୁ କଲରାପତରିଆ ବାଘର ମୃତଦେହ ଠାବ। ଦେବଗଡ ଜିଲ୍ଲା ରିଆମାଳ ରେଞ୍ଜ ନୂଆଡିହି ସେକସନ ଅନ୍ତର୍ଗତ କଣ୍ଠିମାଳ ଗ୍ରାମ ନିକଟରେ ପାଣି ମଧ୍ୟରେ ଭାସୁଥିବା ଅବସ୍ଥାରେ କଲରାପତରିଆ ବାଘର ମୃତଦେହ ଠାବ କରାଯାଇଛି।
ଗୁରୁବାର ମତ୍ସ୍ୟଜୀବୀମାନେ ରେଙ୍ଗାଳୀ ନଦୀବନ୍ଧ ମଧ୍ୟରେ ମାଛ ଧରୁଥିବା ବେଳେ ବାଘର ମୃତଦେହ ଭାସୁଥିବାର ଦେଖି ଜଙ୍ଗଲ ବିଭାଗକୁ ଖବର ଦେଇଥିଲେ। ଖବର ପାଇ ଦେବଗଡ ଡିଏଫଓ ମଗର ଧାନଜୀ ରାଓସୋ କର୍ମଚାରୀମାନଙ୍କ ସହ ଘଟଣାସ୍ଥଳରେ ପହଞ୍ଚିଥିଲେ। ପାଣି ମଧ୍ୟରୁ ମୃତଦେହ ବାହାରକୁ ଆଣିବାକୁ ପ୍ରୟାସ ଚାଲିଛି। ମୃତଦେହ ବ୍ୟବଛେଦ ପରେ ବାଘ ମୃତ୍ୟୁର ପ୍ରକୃତ କାରଣ ଜଣାପଡିବ।
