ରିଆମାଳ, ୧୬/୧୨ : ଆଜବେଷ୍ଟସ୍ ଫାଡି ଲୁଟ୍। ରିଆମାଳ ଥାନା ଟୁହିଲାମାଳ ଗ୍ରାମ ମହେଶ୍ୱରୀ ମନ୍ଦିର ସମ୍ମୁଖରେ ଥିବା ଏକ ଦୋକାନ ଆଜବେଷ୍ଟସ୍ ଫାଡି ଲୁଟ୍ ହୋଇଛି। ଏନେଇ ଦୋକାନ ମାଲିକ ରିଆମାଳ ଥାନାରେ ଏତଲା ଦେଇଛନ୍ତି।
ସୂଚନା ଅନୁସାରେ, ଖୁଣ୍ଟାବନ୍ଧ ଗ୍ରାମର ଅଶୋକ ନାୟକ ଟୁହିଲାମାଳ ମହେଶ୍ୱରୀ ମନ୍ଦିର ସମ୍ମୁଖରେ ଏକ ଭେରାଇଟି ଷ୍ଟୋର କରିଛନ୍ତି। ଗତ ରାତିରେ କେହି ଦୁର୍ବୃତ୍ତ ଦୋକାନ ବାହାରେ ଏକ ସିଡି ଲଗାଇ ଆଜବେଷ୍ଟ ଫାଡ଼ି ଦୋକାନରେ ଥିବା ନଗଦ ୧୫ ହଜାର ଟଙ୍କା ସହିତ ବହୁତ ସାମଗ୍ରୀ ଚୋରି କରି ନେଇଛି। ଆଜି ସକାଳେ ଦୋକାନ ଖୋଲିବା ପରେ ଚୋରି ହୋଇଥିବା ଜଣାପଡ଼ିଛି। ଏନେଇ ଅଶୋକ ରିଆମାଳ ଥାନାରେ ଏତଲା ଦେଇଛନ୍ତି। ଏହା ସହ ଉକ୍ତ ଅଞ୍ଚଳରୁ ବାରମ୍ବାର ଚୋରି ହେଉଥିବାରୁ ପୋଲିସ ମୁତୟନ ପାଇଁ ଅନୁରୋଧ କରିଛନ୍ତି।
