ନୂଆଦିଲ୍ଲୀ : ଦିଲ୍ଲୀ ବିମାନ ବନ୍ଦରକୁ ଇମେଲ ପଠାଇ ଦୁବାଇ ଯାଉଥିବା ବିମାନରେ ବୋମା ରଖିବାର ମିଛ ସୂଚନା ଦେବା ଅଭିଯୋଗରେ ୧୩ ବର୍ଷିୟ ଜଣେ ନାବାଳକଙ୍କୁ ଧରା ଯାଇଛି। ପୁଲିସ ରବିବାର ଏହି ସୂଚନା ଦେଇଛି। ପୁଲିସ କମିଶନର (ଆଇଜିଆଇ ଏୟାରପୋର୍ଟ) ଉଷା ରଙ୍ଗନାନୀ କହିଛନ୍ତି କି, ପୁଅ କିଛି ଦିନ ପୂର୍ବେ ବୋମାର ମିଛ ସୂଚନା ଦେଇ ଫୋନ୍ କରୁଥିବା ଆଉ ଜଣେ ନାବାଳକ ସହ ଜଡ଼ିତ ଖବରରେ ପ୍ରଭାବିତ ହୋଇ ଥଟ୍ଟା ମଜାରେ ଇମେଲ ପଠାଇ ଥିଲେ। ରଙ୍ଗନାନୀ କହିଛନ୍ତି କି, ଏହି ଘଟଣା ସୋମବାର ହୋଇଥିଲା, ଯେବେ ୧୮ ଜୁନ୍ରେ ଦୁବାଇ ଯାଉଥିବା ବିମାନରେ ବୋମା ରଖିବାର ଧମକ ସମ୍ୱନ୍ଧରେ ଏକ ଅଭିଯୋଗ ରୁଜୁ କରାଯାଇ ଥିଲା।
ସେ କହିଛନ୍ତି କି, ଅଭିଯୋଗର ଆଧାରରେ ଏକ ଏଫଆଇଆର ରୁଜୁ କରାଯାଇଛି ଏବଂ ଯାଞ୍ଚ ଆରମ୍ଭ କରାଯାଇଛି। ଯାତ୍ରୀଙ୍କ ସୁରକ୍ଷା ସ୍ପଷ୍ଟ କରିବା ପାଇଁ ସବୁ ନୀତି ନିର୍ଦ୍ଦେଶ, ପ୍ରୋଟୋକଲ ଓ ମାନକ ସଞ୍ଚାଳନ ପ୍ରକ୍ରିୟାର ପାଳନ କରାଯାଇଛି। ସେ କହିଛନ୍ତି, ବିମାନ ବନ୍ଦରକୁ ହାଇ ଆଲର୍ଟରେ ରଖା ଯାଇଛି ଏବଂ ଜରୁରୀକାଳିନ ସ୍ଥିତିର ଘୋଷଣା କରାଯାଇଛି। ରଙ୍ଗନାନୀ କହିଛନ୍ତି, ହେଲେ ଯାଞ୍ଚ ବେଳେ ସୂଚନା ମିଛ ସାବ୍ୟସ୍ତ ହୋଇଛି।
ପୁଲିସ ଅଧିକାରୀ କହିଛନ୍ତି କି , ଯାଞ୍ଚ ବେଳେ ଏହା ଜଣାପଡ଼ିଛି କି, ଇମେଲ ପଠାଇବାର ତୁରନ୍ତ ପରେ ଇମେଲ ଆଇଡି ହଟେଇ ଦିଆ ଯାଇଛି। ଏହା ଜଣାପଡ଼ିଛି କି, ଇମେଲ ଉତ୍ତରାଞ୍ଚଳର ପିଥୌରାଗଡ଼ରୁ ପଠାଯାଇଛି। ଡିସିପି ରଙ୍ଗନାନୀ କହିଛନ୍ତି କି ଏକ ଟିମ୍ ପଠାଯାଇଛି ଏବଂ ସଂପୃକ୍ତ ନାବାଳକଙ୍କୁ ଫେକ୍ ଇମେଲ ପଠାଇବାର ଅଭିଯୋଗରେ ଧରାଯାଇଛି।
ପୁଲିସ ଟିମ୍ ଯେବେ ସେଠାରେ ପହଞ୍ଚିଲା ତ ନାବାଳକ ଜଣକ ପୁଲିସ ଅଧିକାରୀଙ୍କୁ କହିଥିଲେ କି, ତାର ମାତା ପିତା ପାଠପଢା ଉଦ୍ଦେଶ୍ୟରେ ତାକୁ ଏକ ମୋବାଇଲ ଫୋନ୍ ଦେଇ ଥିଲେ। ଯେଉଁଥିରୁ ସେ ଇମେଲ୍ ପଠାଇ ଥିଲେ ଓ ପରେ ନିଜର ଆଇଡି ହଟେଇ ଦେଇ ଥିଲେ। ସେ ନିଜର ମାତାପିତାଙ୍କୁ ଏହାର ସୂଚନା ଦେଇ ନଥିଲେ । କାରଣ ସେ ଡ଼ରି ଯାଇ ଥିଲେ। ତାଙ୍କୁ ଧରି ନିଆଯାଇ ଥିଲା ଏବଂ ପରେ ତାଙ୍କର ମାତାପିତାଙ୍କୁ ପ୍ରଦାନ କରାଯାଇ ଥିଲା।
