ବ୍ରହ୍ମବରଦା,୮।୨: ଯାଜପୁର ଜିଲା ବରୁହାଁ-ବ୍ରହ୍ମବରଦା ମୁଖ୍ୟ ରାସ୍ତା ଶଙ୍ଖମଠ ନିକଟରେ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ ରସୁଲପୁର ବ୍ଲକ ବନ୍ଧଡିହ ପଂଚାୟତ ବ୍ରହ୍ମବରଦା ଥାନା ଅନ୍ତର୍ଗତ ଜୟସୁଙ୍ଗୁଡା ଗ୍ରାମର ହରିହର ଜେନାଙ୍କ ପୁଅ ପିଂଟୁ ବୋଲି ଜଣାପଡିଛି ।
ସନ୍ଧ୍ୟାରେ ସେ ନିଜ ବୁଲେଟ୍ ବାଇକରେ ଟ୍ରାକ୍ଟର ପାର୍ଟସ୍ ଆଣିବା ପାଇଁ ବରୁହାଁ ଯାଇଥିଲେ । ପାର୍ଟସ୍ ନେଇ ଘରକୁ ଫେରୁ ଥିବା ସମୟରେ କେହି ଅଜଣା ଗାଡି ଧକ୍କା ଦେଇ ଫେରାର ହୋଇଯାଇଥିଲା । ଫଳରେ ସ୍ଥାନୀୟ ଲୋକେ ଓ ଯାଜପୁର ସଦର ପୋଲିସ ଘଟଣାସ୍ଥଳରେ ପଂହଚି ଯାଜପୁର ମୁଖ୍ୟ ଚିକିତ୍ସାଳୟକୁ ନେଇଥିବା ଜଣାପଡିଛି । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ପିଂଟୁଙ୍କ ବେକ କଟିଯାଇଥିବା ବେଳେ ତାଙ୍କର ଅନ୍ୟ କୌଣସି ସ୍ଥାନରେ କ୍ଷତ ନ ଥିବାରୁ ଏହାକୁ କେହି ହତ୍ୟା କରି ଦୁର୍ଘଟଣାର ରୂପ ଦେବା ନେଇ ଏବେ ସାଧାରଣରେ ଆଲୋଚନା ହେଉଛି ।
ଆହୁରି ପଢନ୍ତୁ : ଚାଷୀଙ୍କୁ ମୋବାଇଲ ସୂଚନା ଦେବା ବନ୍ଦ କଲେ କୃଷି କର୍ମଚାରୀ, ୧୩ରୁ କାର୍ଯ୍ୟବନ୍ଦ ଆନ୍ଦୋଳନ ଚେତାବନୀ