ଯାଜପୁର,୧୧/୧୦: ଡେଲାଙ୍ଗରୁ ଅପହରଣ ହୋଇଥିବା ନାବାଳିକାକୁ ଉଦ୍ଧାର କରିବାକୁ ଯାଇ ଯାଜପୁର ଜିଲ୍ଲା ବଡ଼ଚଣାରେ ପୋଲିସକୁ ଆକ୍ରମଣ । ଆକ୍ରମଣରେ ଡେଲାଙ୍ଗ ଥାନା ଅଧିକାରୀଙ୍କ ସମେତ ୪ ଜଣ ପୋଲିସ ଏବଂ ବଡ଼ଚଣା ଥାନାର ୩ ଜଣ ପୋଲିସ ଆହତ ହୋଇଛନ୍ତି । ଯାଜପୁର ଜିଲ୍ଲା ଡେଲାଙ୍ଗ ଅଞ୍ଚଳରେ ଏଭଳି ଘଟଣା ଘଟିଛି ।

ସୂଚନା ମୁତାବକ, କିଛିଦିନ ତଳେ ଡେଲାଙ୍ଗରୁ ଜଣେ ନାବାଳିକା ଅପହରଣ ହୋଇଥିଲେ । ତାଙ୍କୁ ଉଦ୍ଧାର କରିବାକୁ ଯାଇ ସାମଲ ସାହିର ଅନନ୍ତ ସାମଲ, ମନୋଜ କୁମାର ସାମଲ (ଚିକୁ) ଏବଂ ଭଉଣୀ ମିଶି ପୋଲିସକୁ କାମୁଡିବା ସହ ମାଡ଼ ମାରିଥିଲେ । ଏମିତିକି ଥାନା ଅଧିକାରୀଙ୍କ ହାତରୁ ଚୁଡ଼ି ମଧ୍ୟ ଟାଣି ନେଇଥଲେ । ଏହି ଘଟଣାରେ ଡେଲାଙ୍ଗ ଥାନା ଅଧିକାରୀଙ୍କ ସମେତ ୪ ଜଣ ପୋଲିସ ଏବଂ ବଡ଼ଚଣା ଥାନାର ୩ ଜଣ ପୋଲିସ ଆହତ ହୋଇଥିଲେ । ଏଭଳି ଘଟଣା ଘଟିବା ପରେ ସେଠାରୁ ନିରାଶ ହୋଇ ଫେରିଥିଲା ପୋଲିସ । ପରେ ସମସ୍ତ ଆହତ ପୋଲିସଙ୍କ ଚିକିତ୍ସା କରାଯାଇଛି । ତେବେ ଏହି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତ ଫୋରାର ଥିବା ଜଣାପଡ଼ିଛି । ଅନ୍ୟପଟେ ଆକ୍ରମଣକାରୀଙ୍କୁ ଧରିବା ପାଇଁ ସ୍ୱତନ୍ତ୍ର ସ୍ପେଶାଲ ଟିମ ଅନୁଧ୍ୟାନ କରୁଛି । ଏନେଇ ବଡ଼ଚଣା ଥାନା ତରଫରୁ ଏକ ମାମଲା ରୁଜୁ ହୋଇଥିବା ସୂଚନା ମିଳିଛି ।