ଯାଜପୁର,୧୨/୧୦: କୋରେଇ ଥାନା ବରୁଣ୍ଡେଇ ସ୍ଥିତ ବଙ୍ଗାଳୀ ସାହି ଦୁର୍ଗା ମଣ୍ଡପରୁ ଚୋରି । ଶୁକ୍ରବାର ବିଳମ୍ବିତ ରାତିରେ ମା'ଙ୍କ ରୁପା ଅଳଙ୍କାର ଲୁଟି ନେଲେ ଦୁର୍ବୃତ୍ତ । ମା'ଙ୍କ ଗହଣା ସମେତ ପାର୍ଶ୍ୱ ଦେବାଦେବୀଙ୍କ ଗହଣା ମଧ୍ୟ ଚୋରି ହୋଇଛି । ପାଖାପାଖି ୧୦ ଲକ୍ଷ ଟଙ୍କାର ଆଳଙ୍କର ଲୁଟ ହୋଇଥିବା ଖବର ମିଳିଛି ।

ସୂଚନା ମୁତାବକ, ମହାମାୟାଙ୍କ ପୂଜାରେ ଉତ୍ସବ ମୁଖର ହୋଇ ଉଠିଛି ସାରା ରାଜ୍ୟ । ଏହାରି ଭିତରେ କିଛି ଦୁର୍ବୃତ୍ତ କରିଛନ୍ତି ଅମାନବୀୟ କାଣ୍ଡ । ବଙ୍ଗାଳୀ ସାହି ଦୁର୍ଗା ମଣ୍ଡପର ମା'ଙ୍କ ସହ ପାର୍ଶ୍ୱ ଦେବାଦେବୀଙ୍କ ରୁପା ଅଳଙ୍କାର ମଧ୍ୟ ଚୋରି କରିନେଇଥିଲେ ଦୁର୍ବୃତ୍ତ । ଏହି ଅଳଙ୍କାରର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି । ଶୁକ୍ରବାର ବିଳମ୍ବିତ ରାତିରେ ଏହି ଚୋରି କରି ଲୁଟେରା ଘଟଣାସ୍ଥଳରୁ ଫେରାର ହୋଇଥିଲେ । ଶନିବାର ସକାଳୁ ପୂଜାକରିବାକୁ ଯିବାବେଳେ ମା'ଙ୍କ ଅଳଙ୍କାର ନଥିବା ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ କୋରେଇ ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି ।