ପାଟନା – ମେଡିକାଲ କଲେଜରେ ଆଡମିଶନ ପାଇଁ ଏନଟିଏ ଦ୍ୱାରା ଆୟୋଜିତ ପ୍ରତିଷ୍ଠିତ ନିଟ୍ ୟୁଜି ପରୀକ୍ଷା ପ୍ରଶ୍ନ ପତ୍ର ଲିକ୍ ମାମଲାର ଯାଞ୍ଚ ଖୁବ୍ ଜୋରରେ ହେଉଛି। ପାଟନାର ପୁଲିସ ଓ ଆର୍ଥିକ ଅପରାଧ ୟୁନିଟର ଛାନଭିନ୍ରେ ନୂଆ ନୂଆ ଚେହେରା ସାମନାକୁ ଆସୁଛି। ସିକନ୍ଦର , ଅମିତ୍ , ଅନୁରାଗ ଅଂଶୁଳ ଓ ଅତୁଲଙ୍କ ପରେ ସଞ୍ଜୀବ ମୁଖିଆନାଁ ସାମନାକୁ ଆସିଛି। ନାଳନ୍ଦାରେ ରହୁଥିବା ସଞ୍ଜୀବ ମୁଖିଆ ପେପର ଲିକ୍ କାଣ୍ଡ ନେଇ ବିହାରରେ କିଙ୍ଗ୍ପିନ୍ କୁହାଯାଉଛି। ସଞ୍ଜୀବ ମୁଖିଆ ବିଏସସି ଶିକ୍ଷକ ବହାଲି ପେପର ଲିକ୍ କାଣ୍ଡରେ ଜେଲ୍ ଯାଇ ସାରିିଛି ଏବଂ ତାର ପୁଅ ଡାକ୍ତର ଶିବ କୁମାର ଏହି ମାମଲାରେ ଏବେ ବି ଜେଲ୍ରେ ଅଛି। ଶିବ କୁମାର ପିଏମସିଏଚରୁ ଏମବିବିଏସର ପାଠପଢି ସାରିଛନ୍ତି।
ଆର୍ଥିକ ଅପରାଧ ୟୁନିଟ୍ ଓ ପାଟନା ପୁଲିସ ସଞ୍ଜୀବ ମୁଖିଆର ଗିରଫ ପାଇଁ ଖୁବ୍ ଜୋରରେ ଚଢାଉ ଜାରି ରହିଛି। ମିଡ଼ିଆ ରିପୋର୍ଟ ମୁତାବିକ , ନାଳନ୍ଦାର ନଗରନୌସା ଗାଁରେ ରହୁଥିବା ସଞ୍ଜୀବ ମୁଖିଆ ପାଖରେ ହିଁ ନିଟ୍ ପରୀକ୍ଷାର ପ୍ରଶ୍ନ ପତ୍ର ପହଞ୍ଚି ଥିଲା। ସେ ସିକନ୍ଦର ଯଦୁବଂଶୀ ଓ ଅନ୍ୟମାନଙ୍କୁ ପେପର ଉପଲବ୍ଧ କରାଇ ଥିଲେ। ଏହାପରେ ୪ ମେ’ର ରାତି ଓ ୫ ମେ ରେ ନିଟ୍ର ପ୍ରାର୍ଥୀଙ୍କୁ ପ୍ରଶ୍ନ ପତ୍ରର ଉତ୍ତର ପାଟନାର ଖେମନି ଚକ ସ୍ଥିତ ପ୍ଲେ ଆଣ୍ଡି ଲର୍ନ ସ୍କୁଲର ହଷ୍ଟେଲରେ ଦିଆ ଯାଇଥିଲା। ସଞ୍ଜୀବ ମୁଖିଆର, ରବି ଅତ୍ରି ଗ୍ୟାଙ୍ଗ ସହ ସିଧାସଳଖ ସଂପର୍କ ରହିଛି।
ମିଡ଼ିଆ ରିପୋର୍ଟରେ ଏହା ମଧ୍ୟ କୁହାଯାଇଛି କି ସଞ୍ଜୀବ ମୁଖିଆକୁ ନିଟ୍ ପରୀକ୍ଷାର ପ୍ରଶ୍ନ ପତ୍ର ଜଣେ ପ୍ରଫେସର ଉପଲବ୍ଧ କରାଇ ଥିଲେ। ପ୍ରଫେସର ମୋବାଇଲ ମାଧ୍ୟମରେ ସଞ୍ଜୀବକୁ ପ୍ରଶ୍ନ ପତ୍ର ପଠାଇ ଥିଲେ। ଛାତ୍ରଛାତ୍ରୀଙ୍କୁ ଏହି ମୂଲଚାଲ ପ୍ରତି ଛାତ୍ର ପିଛା ୪୦ ଲକ୍ଷ ଟଙ୍କାରେ ଡିଲ୍ କରାଯାଇ ଥିଲା। ସୂଚନା ମୁତାବିକ ପୂରା ପ୍ଲାନିଂ ସଞ୍ଜୀବ ମୁଖିଆ ହିଁ କରି ଥିଲା।
ଉଲ୍ଲେଖନୀୟ ଯେ, ନିଟ୍ ପେପର ଲିକ୍ କାଣ୍ଡରେ ଫେରାର ଥିବା ସଞ୍ଜୀବ ମୁଖିଆଙ୍କ ଉପନାମ ଲୁଟନ ମୁଖିଆ ମଧ୍ୟ ରହିଛି। ସେ ନାଳନ୍ଦାର ନୁରସରାୟ ହର୍ଟିକଲଚର କଲେଜରେ ଟେକ୍ନିକାଲ ସହାୟକ ପଦରେ ମୁତୟନ ଥିଲା। ଚାକିରି ଛାଡ଼ି ସେ ରାଜନୀତରେ ପାଦ ରଖି ଥିଲା ଏବଂ ନିଜ ପଞ୍ଚାୟତର ମୁଖିଆ ହୋଇଥିଲା। ୨୦୧୬ରେ ପୁଲିସ୍ ଭର୍ତ୍ତି ପରୀକ୍ଷାରେ ପେପର ଲିକ୍ରେ ସର୍ବ ପ୍ରଥମେ ତାର ନାଁ ଆସିଥିଲା, ପରେ ବିଏସସି ଶିକ୍ଷକ ଭର୍ତ୍ତି ପରୀକ୍ଷାରେ ପେପର ଲିକ୍ କାଣ୍ଡରେ ତାର ସଂପୃକ୍ତି ରହିଛି। ତାର ଗାଁ ଲୋକଙ୍କ କହିବାନୁସାରେ,ସଞ୍ଜୀବ ମୁଖିଆ ପତ୍ନୀ ମମତା କୁମାରୀ ହରନୌତ ବିଧାନସଭାରୁ ଏଲଜେପିର ଟିକେଟ୍ରେ ନିର୍ବାଚନ ବି ଲଢି ସାରିଛି, କିନ୍ତୁ ହାରିବାର ସାମନା କରିବାକୁ ପଡ଼ିଥିଲା। ଧିରେ ଧିରେ ପରୀକ୍ଷାରେ ପେପର ଲିକ୍ କରାଇବାରେ ତା ପରିବାରର ବିଜନେସ୍ ପାଲିଟ ଗଲା , ଯେଉଁଥିରେ ତାର ପୁଅ ମଧ୍ୟ ଜଡ଼ିତ ଥିଲା। ବର୍ତ୍ତମାନ ସଞ୍ଜୀବ ମୁଖିଆଙ୍କର ପୁଅ ଡାକ୍ତର ଶିବ ବିଏସସି ପେପର ଲିକ୍ରେ ଜେଲ୍ରେ ବନ୍ଦୀ ରହିଛି।
