ନୂଆଦିଲ୍ଲୀ,୦୭/୦୪: ପୂର୍ବ ପରି ଧୋନୀଙ୍କ ବ୍ୟାଟିଂରେ ଆଉ ଚମକ ଦେଖିବାକୁ ମିଳୁନାହିଁ । ଆଇପିଏଲରୁ ସେ ଅବସର ନେବା ଚର୍ଚ୍ଚା ହେଉଛି । ଏହାରି ଭିତରେ ପୂର୍ବତନ କ୍ରିକେଟର ୱାସିମ୍ ଜାଫର ଏକ ବାୟନ ଦେଇଛନ୍ତି । ଧୋନୀଙ୍କୁ ଖେଳୁଥିବା ଦେଖି ମୋତେ ଟିକେ ଦୁଃଖ ଲାଗୁଛି । ଯୁବ ଖେଳାଳିଙ୍କ ପାଇଁ ସେ ଅବସର ନିଅନ୍ତୁ ବୋଲି କହିଛନ୍ତି ୱାସିମ୍ ଜାଫର ।

ଶନିବାର ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ବିଫଳ ହୋଇଥିଲେ ଧୋନୀ । ଯାହାକୁ ନେଇ ସିଏସକେରେ ତାଙ୍କ ସ୍ଥାନକୁ ନେଇ ପ୍ରଶ୍ନ ଉଠିଛି । ଧୋନୀଙ୍କୁ ୪୩ ବର୍ଷ ହୋଇଛି । ତଥାପି ସେ ଆଇପିଏଲ ଖେଳୁଛନ୍ତି । ତାଙ୍କର ଏହି ପ୍ରଦର୍ଶନ ପୂର୍ବ ପରି ନାହିଁ ବୋଲି କିଛି କ୍ରିକେଟ ବିଶେଷଜ୍ଞ କହିଛନ୍ତି । ତାଙ୍କୁ ଏବେ ଆଇପିଏଲରୁ ଅବସର ନେବା କଥା । ସେ ଦଳର ନେତୃତ୍ବ ନେଉନାହାନ୍ତି ତାଙ୍କୁ ଏପରି ଖେଳୁଥିବା ଦେଖି ମୋତେ ଦୁଃଖ ଲାଗୁଛି । ଯୁବ ପ୍ଲେୟାରଙ୍କ ପାଇଁ ସେ ସନ୍ୟାସ ନିଅନ୍ତୁ ବୋଲି କହିଛନ୍ତି ପୂର୍ବତନ ଭାରତୀୟ କ୍ରିକେଟର ୱାସିମ୍ ଜାଫର ।

ଅଧିକ ପଢ଼ନ୍ତୁ...'ନିଷ୍ପତ୍ତି ମୋର ଶରୀର ନେବ ୧୦ ମାସ ସମୟ ଅଛି', IPLରୁ ଅବସର ନେଇ ମୁହଁ ଖୋଲିଲେ ଏମଏସଡ଼ି

କିଛି ଦିନ ତଳେ ଚେନ୍ନାଇ ସୁପର କିଙ୍ଗସ୍ କୋଚ୍ ଷ୍ଟିଫେନ୍ ଫ୍ଲେମିଂ ଧୋନୀଙ୍କ ଅବସର ନେଇ କୌଣସି ଚର୍ଚ୍ଚା ହୋଇନାହିଁ ବୋଲି କହିଥିଲେ । ଅବସର ଚର୍ଚ୍ଚା ଭିତରେ ଧୋନୀ ମଧ୍ୟ ଏକ ପୋଡ଼କାଷ୍ଟରେ କହିଥିଲେ ଏବେ ଅବସର ନେବା କଥା ଚିନ୍ତା କରିନାହିଁ । ଏହା ଉପରେ ଭାବିବାକୁ ଆହୁରି ୧୦ ମାସ ସମୟ ଅଛି  ।

ଆଇପିଏଲ ଇତିହାସରେ ଚେନ୍ନାଇ ସୁପରକିଙ୍ଗସ ଏକ ସଫଳ ଦଳ । ମହେନ୍ଦ୍ର ସିଂହ ଧୋନୀଙ୍କ ନେତୃତ୍ବରେ ଚେନ୍ନାଇ ୫ ଥର ଚାମ୍ପିଅନ ହୋଇଛି । ଚଳିତ ସିଜିନରେ ୱିକେଟକିପର ବ୍ୟାଟର ଧୋନୀ ଏଯାବତ୍ ୪ଟି ଇନିଂସରେ ୭୬ ରନ୍ କରିଛନ୍ତି । ସେଥିରେ ଅପରାଜିତ ୩୦ ସର୍ବାଧିକ ସ୍କୋର ।