କଟକ, ୨୮/୦୧ : ରେଭେନ୍ସା ବିଶ୍ଵବିଦ୍ୟାଳୟରେ ଆରମ୍ଭ ହେବାକୁ ଯାଉଛି ପ୍ରଥମ ବିଧୁ ମଧୁ ବିତର୍କ ପ୍ରତିଯୋଗିତା ୨୦୨୫। ଫେବୃଆରୀ ୪ ଓ ୫ ତାରିଖରେ ପ୍ରଥମ ପର୍ଯ୍ୟାୟ ପ୍ରତିଯୋଗିତା ହେବ। ୧୯ ତାରିଖରେ ଶେଷ ପ୍ରତିଯୋଗିତା ହେବ। ଉଭୟ ଓଡ଼ିଆ ଏବଂ ଇଂରାଜୀ ଏହି ବିତର୍କ ପ୍ରତିଯୋଗିତା ହେବ। କେବଳ ରେଭେନ୍ସା ବିଶ୍ଵବିଦ୍ୟାଳୟର ଛାତ୍ରଛାତ୍ରୀମାନେ ଏହି ପ୍ରତିଯୋଗିତାରେ ଭାଗ ନେଇ ପାରିବେ। 

ଏହି ଖବରଟିକୁ ପଢନ୍ତୁ- ନୟାପଲ୍ଲୀ N2ରେ ଲୁଟ୍ ଉଦ୍ୟମ, ଚୋରକୁ କାବୁ କଲେ ସ୍ଥାନୀୟ ଲୋକେ

ବିଧୁ ମଧୁ ବିତର୍କ ପ୍ରତିଯୋଗିତାରେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନରେ ଥିବା ପ୍ରତିଯୋଗୀଙ୍କୁ ୧୨ହଜାର , ୧୦ ହଜାର ଓ ୮ ହଜାର ଟଙ୍କା ଲେଖାଏଁ ପୁରସ୍କାର ରାଶି ପ୍ରଦାନ କରାଯିବ। ପୂର୍ବରୁ ବିଧୁ ମଧୁ ଫାଉଣ୍ଡେସନ ଓ ରେଭେନ୍ସା ବିଶ୍ଵବିଦ୍ୟାଳୟ ମଧ୍ୟରେ ଏକ ଚୁକ୍ତି ସ୍ବାକ୍ଷର ହୋଇଥିଲା। ଏହି ବିତର୍କ ପ୍ରତିଯୋଗିତା ଆୟୋଜନ କରିବା ପାଇଁ ଫାଉଣ୍ଡେସନ ପକ୍ଷରୁ ୧୫ ଲକ୍ଷ ଟଙ୍କାର ଅର୍ଥ ରାଶି ବିଶ୍ଵବିଦ୍ୟାଳୟକୁ ପ୍ରଦାନ କରାଯାଇଥିଲା। ଏହି ରାଶିର ଏଫ୍‌ଡିରୁ ଆସୁଥିବା ସୁଧରେ ପ୍ରତିବର୍ଷ ବିଧୁ ମଧୁ ବିତର୍କ ପ୍ରତିଯୋଗିତା ଆୟୋଜନ କରାଯିବ।