ମୁମ୍ବାଇ, ୩୦/୦୧: ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ପ୍ରେକ୍ଷାଳୟରେ ଅଲ୍ଲୁଙ୍କ ଫିଲ୍ମ 'ପୁଷ୍ପା ୨' ବ୍ଲକ୍ବ୍ଲଷ୍ଟର ହେବା ପରେ ଏବେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ ହୋଇଛି । ଏଥିରେ ଫିଲ୍ମର ୨୩ ମିନିଟ୍ର ଅତିରିକ୍ତ କଣ୍ଟେଣ୍ଟ ଯୋଡ଼ା ଯାଇଛି। ଏହି ଫିଲ୍ମ କେବଳ ବକ୍ସ ଅଫିସରେ ହିଟ ହୋଇନି ଓଟିଟିରେ ମଧ୍ୟ ସଫଳତା ହାସଲ କରିବାକୁ ଯାଉଛି। ବର୍ତ୍ତମାନ ଫିଲ୍ମ ୩ ଘଣ୍ଟା ୪୪ ମିନିଟର ହୋଇଯାଇଛି।
ଅଲ୍ଲୁ ଅର୍ଜୁନଙ୍କ ଦମଦାର ପରଫର୍ମାନ୍ସ ଓ ଫିଲ୍ମର ଧମାକାଦାର କାହାଣୀ ଦର୍ଶକଙ୍କୁ ବେଶ ପସନ୍ଦ ଆସିଛି । ଫିଲ୍ମର ହିନ୍ଦୀ ସଂସ୍କରଣର ଡିମାଣ୍ଡକୁ ଦେଖି ନେଟଫିକ୍ସରେ ହିନ୍ଦୀରେ ମଧ୍ୟ ଉପଲବ୍ଧ ରହିଛି। ଏବେ ଫିଲ୍ମକୁ ଫ୍ୟାନ୍ସ ହିନ୍ଦୀ, ତେଲୁଗୁ, ତାମିଲ ଓ ମଲୟାଲମ ଭଳି ଭାଷାରେ ଦେଖିପାରିବେ । ସେହିପରି ଖୁବଶୀଘ୍ର ଫିଲ୍ମର କନ୍ନାଡ଼ା ସଂସ୍କରଣ ମଧ୍ୟ ଆସିବାକୁ ଯାଉଛି। ଫିଲ୍ମର କାହାଣୀ ବିଷୟରେ କହିବାକୁ ଗଲେ , 'ପୁଷ୍ପା ୨' ରେ ଅଲ୍ଲୁ ଅର୍ଜୁନଙ୍କ କାହାଣୀକୁ ଆହୁରି ରୋମାଞ୍ଚକ ଭାବରେ ଦେଖାଯାଇଛି । ଏହି ଫିଲ୍ମରେ ଅଲ୍ଲୁ ନାଲି ଚନ୍ଦନ ତସ୍କରୀରେ ନିଜରୁ ମଜବୁତ ରଖିବା ସହିତ ଶତ୍ରୁ ଶେଖାବତ ଠାରୁ ପ୍ରତିଶୋଧ ନେବାକୁ ରଣନୀତି ଜାରି ରଖିଛି। ଫିଲ୍ମରେ ଆକ୍ସନ, ଡ଼୍ରାମା ଓ ଥ୍ରିଲର ଦେଖିବାକୁ ମିଳିଛି। ଫିଲ୍ମର ଏହି ସଂସ୍କରଣ ଦର୍ଶକଙ୍କୁ ବେଶ ପସନ୍ଦ ଆସୁଛି। ଯେଉଁଥିରେ ପୁଷ୍ପାର ଜୀବନୀକୁ ଆହୁରି ବିସ୍ତାର ଭାବେ ବୁଝାଇଛି। ପ୍ରାକ୍ଷାଳୟରେ ଦର୍ଶକଙ୍କ ଦ୍ବାରା ମିଳୁଥିବା ସାନଦାର ପ୍ରତିକ୍ରିୟା ପରେ ନେଟଫ୍ଲିକ୍ସରେ ମଧ୍ୟ ପୁଷ୍ପା୨ କୁ ବେଶ୍ ଲୋକ ପସନ୍ଦ କରୁଛନ୍ତି । ସୋସିଆଲ ମିଡ଼ିଆରେ ଫ୍ୟାନ୍ସ ନିଜର ପ୍ରତିକ୍ରିୟା ଦେଇ କହିଛନ୍ତି ଯେ,ଏହି ଅତିରିକ୍ତ କଣ୍ଟେଣ୍ଟ ଯୋଗୁଁ ଫିଲ୍ମ ଆହୁରି ପସନ୍ଦ ଆସୁଛି। ଏକ ନୂଆ ଅନୁଭବ ଦେଉଛି ।
