ମୁମ୍ବାଇ,୨୮/୦୧: କଥାରେ ଅଛି ପ୍ରେମ ପ୍ରତିବନ୍ଧକ ମାନେ ନାହିଁ ମନ ପଢେ ହୃଦୟ ହାରେ । କେତେବେଳେ କାହାକୁ ବି ପ୍ରେମ ହୋଇଯାଏ । ଅଣ୍ଡରୱାର୍ଲ୍ଡ ଦୁନିଆ ଏବଂ ମାଫିଆଙ୍କ କଥା ଆମେ ଫିଲ୍ମରେ ଦେଖିଛୁ । ଚଳଚ୍ଚିତ୍ରର କାହାଣୀରେ ଅପରାଧ ଦୁନିଆରେ ରାଜ କରିଥାନ୍ତି ଅଣ୍ଡରୱାର୍ଲ୍ଡ ଡନ୍ । ହେଲେ ଆପଣ ଜାଣିଛନ୍ତି କି ଅଣ୍ଡରୱାର୍ଲ୍ଡ ଡନ୍ ବଲିଉଡର ଅନେକ ଅଭିନେତ୍ରୀଙ୍କ ମନରେ ଘର କରି ନେଇଥିଲେ । ଅନେକ ଅଣ୍ଡରୱାର୍ଲ୍ଡ ମାଫିଆଙ୍କୁ ମନ ଦେଇ ବସିଥିଲେ ବଲିଉଡ ଅଭିନେତ୍ରୀ । ମମତା କୁଲକର୍ଣ୍ଣିଙ୍କଠୁ ନେଇ ମୋନିକା ବେଦୀ ଜଣେ ଜଣେ ଅଣ୍ଡରୱାର୍ଲ୍ଡ ଡନଙ୍କ ପ୍ରେମରେ ପଡିଥିଲେ । ଫଲରେ ସେମାନଙ୍କ କ୍ୟାରିୟର ଉପରେ ଖରାପ ପ୍ରଭାବ ପଡିଥିଲା । ଆସନ୍ତୁ ଜାଣିବା ଅଣ୍ଡରୱାର୍ଲ୍ଡଙ୍କୁ ମନ ଦେବାରୁ କଣ ପରିଣାମ ଭୋଗିବାକୁ ପଡିଛି ।
ମମତା କୁଲକର୍ଣ୍ଣି- ୯୦ ଦଶକରେ ବଲିଉଡରେ ରାଜ କରୁଥିଲେ ଅଭିନେତ୍ରୀ ମମତା କୁଲକର୍ଣ୍ଣି । ୧୯୯୩ରେ ତ୍ରିରଙ୍ଗା ଚଳଚ୍ଚିତ୍ରରେ ବଲିଉଡରେ ଡେବ୍ୟୁ କରିଥିଲେ ମମତା । ଏହାପରେ କ୍ୟାରିୟରରେ ସଫଳତା ହିଁ ସଫଳତା ହାସଲ କରିଥିଲେ । ସେବେ ଅଣ୍ଡରୱାର୍ଲ୍ଡ ମାଫିଆ ଫିଲ୍ମରେ ଟଙ୍କା ନିବେଶ କରୁଥିଲେ । ସେବେ ମମହା ମାଫିଆ ଛୋଟା ରାଜନ ଓରଫ୍ ଅଣ୍ଡରୱାର୍ଲ୍ଡ ମାଫିଆ ଦାଉଦି ଇବ୍ରାହିମକୁ ଡେଟ୍ କରୁଥିଲେ । ମାଫିଆଙ୍କୁ ମନ ଦେଇ ବସିଥିଲେ ମମତା । ଏହା ମମତାଙ୍କ କ୍ୟାରିୟର ଉପରେ ପ୍ରଭାବ ପକାଇଥିଲା । ଏହା ପରେ ସେ ଫିଲ୍ମ ଇଣ୍ଡଷ୍ଟ୍ରୀରୁ ଦୂରେଇ ଯାଇଥିଲେ । ଡ୍ରଗ୍ସ ମାଫିଆ ବିକ୍କି ଗୋସ୍ବାମୀଙ୍କୁ ବିବାହ କରିଥିଲେ । ନିକଟରେ ମହାକୁମ୍ଭ ମେଳାରେକିନ୍ନର ଆଖଡାର ମହାମଣ୍ଡଳେଶ୍ବର ହୋଇଛନ୍ତି ।
ମନ୍ଦାକିନୀ- ରାମ ତେରୀ ଗଙ୍ଗା ମେଲିର ହିରୋଇନ ମନ୍ଦାକିନୀଙ୍କୁ ୧୯୯୪-୯୫ରେ ଭାରତ-ପାକିସ୍ତାନ କ୍ରିକେଟ ମ୍ୟାଚ ସମୟରେ ଦୁବାଇରେଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମ ସହ ଦେଖିବାକୁ ମିଳିଥିଲା । ଏହାକୁ ନେଇ ଖୁବ ଚର୍ଚ୍ଚା ହୋଇଥିଲା । ମାତ୍ର ମନ୍ଦାକିନୀ ଏହାକୁ ଖଣ୍ଡନ କରିଥିଲେ । ୧୯୯୬ରେ ଆସିଥିବା ଜୋରଦାର ତାଙ୍କର ଶେଷ ଅଭିନୀତ ଫିଲ୍ମ ଥିଲା । ଦାଉଦଙ୍କ ସହ ତାଙ୍କ ପ୍ରେମ ସମ୍ପର୍କ ନେଇ ଚର୍ଚ୍ଚା ହେବା ପରେ ଆଉ ଫିଲ୍ମ ମିଳିଲା ନାହିଁ ।
ମୋନିକା ବେଦୀ- କ୍ୟାରିୟରରେ କଣ୍ଟ୍ରୋଭର୍ସିକୁ ନେଇ ଅଧିକ ଚର୍ଚ୍ଚାରେ ଥିଲେ ଅଭିନେତ୍ରୀ ମୋନିକା ବେଦୀ । ଅଣ୍ଡରୱାର୍ଲ୍ଡ ଡନ୍ ଅବୁ ସଲେମଙ୍କ ସହ ମୋନିକାଙ୍କ ଅଫେୟାର ଥିବା ଚର୍ଚ୍ଚା ହୋଇଥିଲା । କୁହାଯାଏ କି ଫିଲ୍ମରେ ଅଭିନୟ କରିବାକୁ ମୋନିକା ବେଦୀ ନିର୍ଦ୍ଦେଶକଙ୍କୁ ଅବ୍ ସଲେମଙ୍କ ଧମକ ଦେଉଥିଲେ । ରିରୋଟର୍ସ ମୁତାବକ ଭୟରେ ଅବୁ ସଲେମ ଓ ମୋନିକା ଦେଶ ଛାଡି ଚାଲିଯାଇଥିଲେ । ଧରାପଡିବା ପରେ ଦୁଇଜଣଙ୍କ ସମ୍ପର୍କ ଭାଙ୍ଗି ଯାଇଥିଲା ।
ଅନୀତା ଆୟୁବ- ୯୦ ଦଶକର ପାକିସ୍ତାନୀ ଅଭିନେତ୍ରୀ ଅନୀତା ଆୟୁବ । ଅନୀତ ମଧ୍ୟ ଅଣ୍ଡରୱାର୍ଲ୍ଡ ଡନ ଦାଉଦର ନିକଟତର ଥିଲେ । ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଥିବା ଚର୍ଚ୍ଚା ହୋଇଥିଲା । ୧୯୯୫ରେ ଯେବେ ଫିଲ୍ମ ନିର୍ମାତା ଜାବେଦ ସିଦ୍ଦିକି ତାଙ୍କୁ ଫିଲ୍ମରେ ନେବାରୁ ମନା କରିଥିଲେ ଦାଉଦର ଲୋକମାନେ ତାଙ୍କୁ ଗୁଳି କରି ହତ୍ୟା କରିଥିଲେ ।
ସୋନା ମସ୍ତାନ ମିର୍ଜା- ଦାଉଦ ଇବ୍ରାହିମ ପୂର୍ବରୁ ଅଣ୍ଡରୱାର୍ଲ୍ଡ ଦୁନିଆର ହାଜି ମସ୍ତାନର ଦବଦବା ଥିଲା । ହାଜି ମସ୍ତାନ ଏବଂ ବଲିଉଡ ଅଭିନେତ୍ରୀ ସୋନା ମସ୍ତାନଙ୍କ ନାମକୁ ନେଇ ଚର୍ଚ୍ଚା ହୋଇଥିଲା । ମସ୍ତାନଙ୍କୁ ବିବାହ କରିବାକୁ ହାଜି ମସ୍ତାନ ଅଣ୍ଡରୱାର୍ଡ୍ଡ ଡନ୍ ହୋଇଥିଲା । ଦୁହିଁଙ୍କ ପ୍ରେମକୁ ନେଇ ୱାନ୍ସ ଓପନ ଏ ଟାଇମ୍ ଇନ୍ ମୁମ୍ବାଇ ଫିଲ୍ମ ନିର୍ମାଣ ହୋଇସାରିଛି ।ବିବାହର କିଛି ଦିନ ପରେ ହାଜି ମସ୍ତାନର ମୃତ୍ୟୁ ହୋଇଥିଲା ।
ହୀନା କୌସାର- ୧୯୭୦ର ଅଭିନେତ୍ରୀ ତଥା ନିର୍ଦ୍ଦେଶକ କେ ଅସିଫଙ୍କ ଝିଅ ହୀନା କୌସାର ଅନେକ ଫିଲ୍ମରେ ଯାଦୁ ଦେଖାଇଛନ୍ତି । ସେ ୧୯୯୧ରେ ଗ୍ୟାଙ୍ଗଷ୍ଟାର ଇକବାଲ ମିରଚିକୁ ବିବାହ କରି ହେଡଲାଇନକୁ ଆସିଥିଲେ । ଇକବାଲଙ୍କୁ ବିବାହ କରିବା ପରେ ଅକ୍ଟିଂ ଛାଡି ୟୁକେ ଚଲାଯାଇଥିଲେ ହୀନା । ୨୦୧୩ରେ ଇକବାଲର ମୃତ୍ୟୁ ହୋଇଥିଲା ।
