ମୁମ୍ବାଇ,୨୮/୦୧: ଖିଲାଡି କୁମାର ଅକ୍ଷୟ । ନିକଟରେ ରିଲିଜ ହୋଇଥିବା ତାଙ୍କ ଫିଲ୍ମ ‘ସ୍କାଏ ଫୋର୍ସ’ ପାଇଁ ଅଛନ୍ତି ବେଶ୍ ଚର୍ଚ୍ଚାରେ। ‘ସ୍କାଏ ଫୋର୍ସ’ ଦର୍ଶକ ବେଶ ପସନ୍ଦ କରୁଥିବା ବେଳେ ଏହାରି ମଧ୍ୟ ତାଙ୍କ ବ୍ୟକ୍ତିଗତ ଜୀବନକୁ ନେଇ ସାମ୍ନାକୁ ଆସିଛି ଏକ ବଡ଼ ଖବର । ଅଭିନେତା ତାଙ୍କର ମୁମ୍ବାଇ ଆପାର୍ଟମେଣ୍ଟକୁ ଦୁଇଗୁଣ ମୂଲ୍ୟରେ ବିକ୍ରି କରିଥିବା ଜଣାପଡି଼ଛି ।
ତେବେ ଅକ୍ଷୟ କୁମାରଙ୍କ ଦ୍ୱାରା ବିକ୍ରି ହୋଇଥିବା ଆପାର୍ଟମେଣ୍ଟଟି ସ୍କାଏ ସିଟିରେ ଅବସ୍ଥିତ। ସ୍କାଏ ସିଟି ଓବେରୟ ରିଅଲିଟି ଦ୍ୱାରା ବିକଶିତ ଏବଂ ଏହା ୨୫ ଏକର ଜମିରେ ବ୍ୟାପିଛି। ସୂଚନା ଅନୁଯାୟୀ, ଅକ୍ଷୟ କୁମାର ନଭେମ୍ବର ୨୦୧୭ରେ ଆପାର୍ଟମେଣ୍ଟଟିକୁ ୨.୩୮ କୋଟି ଟଙ୍କାରେ କିଣିଥିଲେ । ଆଉ ବର୍ତ୍ତମାନ ଏହାକୁ ୪.୨୫ କୋଟି ଟଙ୍କାରେ ବିକ୍ରି କରିଛନ୍ତି। ରିପୋର୍ଟ ଅନୁଯାୟୀ, ଅକ୍ଷୟ କୁମାର ବିକ୍ରି କରିଥିବା ଆପାର୍ଟମେଣ୍ଟର କାର୍ପେଟ କ୍ଷେତ୍ରଫଳ ୧,୦୭୩ ବର୍ଗଫୁଟ ଥିବାବେଳେ ଏଥିରେ ଦୁଇଟି କାର ପାର୍କିଂ ପାଇଁ ମଧ୍ୟ ସୁବିଧା ଅଛି। ଏହି କାରବାରରେ ୨୫.୫ ଲକ୍ଷ ଟଙ୍କାର ଷ୍ଟାମ୍ପ ଡ୍ୟୁଟି ଏବଂ ୩୦,୦୦୦ ଟଙ୍କାର ପଞ୍ଜିକରଣ ଫି ମଧ୍ୟ ଦିଆଯାଇଛି। ଅକ୍ଷୟ କୁମାର ତାଙ୍କ ଫିଲ୍ମ ସ୍କାଏ ଫୋର୍ସର ରିଲିଜ ମଧ୍ୟରେ ତାଙ୍କର ଫ୍ଲାଟ ବିକ୍ରି କରିଦେଇଛନ୍ତି। ଅଭିନେତାଙ୍କ ଫିଲ୍ମ ‘ସ୍କାଏ ଫୋର୍ସ’ରୁ ବେଳ ପସନ୍ଦ କରୁଥିବା ବେଳେ ଫ୍ୟାନ୍ସ ଏହାକୁ ଏକ ଭାବପ୍ରବଣ ଫିଲ୍ମ ବୋଲି କହୁଛନ୍ତି।
