ନୂଆଦିଲ୍ଲୀ,୨୯ /୦୧: ପ୍ରୟାଗରାଜ ମହାକୁମ୍ଭ ମେଳାରେ ବଡ ଅଘଟଣ ଘଟି ଯାଇଛି । ମୌନୀ ଅମାବାସ୍ୟାରେ ଅମୃତ ସ୍ନାନ ପାଇଁ ଭିଡ ଜମାଇଥିଲେ ଶ୍ରଦ୍ଧାଳୁ । ଏହି ସମୟରେ ଦଳଚକଟା ଘଟି ୨୦ ଜଣଙ୍କର ମୃତ୍ୟୁ ହୋଇଛି । ମୃତ୍ୟୁସଂଖ୍ୟା ଆହୁରି ବଢିବା ଆଶଙ୍କା କରାଯାଉଛି । ଏହାକୁ ନେଇ ରାଜନୈତିକ ବୟାନବାଜି ଆରମ୍ଭ ହୋଇଛି । ଯୋଗୀ ସରକାରଙ୍କୁ ଟାର୍ଗେଟ କରିଛନ୍ତି ବିରୋଧୀ । କୁମ୍ଭମେଳାରେ ଶ୍ରଦ୍ଧାଳୁଙ୍କୁ କମ୍ ଭିଆଇପିଙ୍କୁ ଧ୍ୟାନ ଦିଆଯାଉଥିବା କହିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ ।
ମହାକୁମ୍ଭ ଦଳାଚକଟା ଘଟଣାକୁ ନେଇ ଯୋଗୀ ସରକାରଙ୍କୁ ଟାର୍ଗେଟ କରି ରାହୁଲ ଗାନ୍ଧୀ କହିଛନ୍ତି, ଏହି ଘଟଣାକୁ ନେଇ ଦୁଃଖିତ । ମେଳାରେ ଶ୍ରଦ୍ଧାଳୁଙ୍କୁ କମ୍ ଭିଆଇପିମାନଙ୍କ ଉପରେ ପ୍ରଶାସନ ବିଶେଷ ଧ୍ୟାନ ଦେଉଥିଲା । ଫଳରେ ଏହି ଅଘଟଣ ଘଟିଛି । ଏବେ ମହାକୁମ୍ଭର ବହୁତ ସମୟ ଅଛି । ଆଗକୁ ମହାସ୍ନାନ ହେବ । ଆଜି ଯେପରି ଅଘଟଣ ହେଲା ଆଗକୁ ଯେପରି ନ ହେଉ ସେ ଦିଗରେ ସରକାରଙ୍କୁ ବ୍ୟବସ୍ଥାରେ ସୁଧାର ଆଣିବାକୁ ହେବ । ଭିଆଇପି କଲ୍ଚର ଉପରେ ଲଗାମ ଲଗାଇବାକୁ ହେବ । ସରକାରଙ୍କୁ ସାଧାରଣ ଜନତା ଶ୍ରଦ୍ଧାଳୁଙ୍କ ଆବଶ୍ୟକତାକୁ ଅଧିକ ଧ୍ୟାନ ଦେବାକୁ ହେବ । ସୁବ୍ୟବସ୍ଥା କରିବାକୁ ହେବ ।
ଅଘଟଣରେ ମୃତକଙ୍କ ପରିବାର ପ୍ରତି ସମବେଦନା ଜଣାଇବା ସହ ଅମର ଆତ୍ମାର ସଦଗତି କାମନା କରିଛନ୍ତି ରାହୁଲ ଗାନ୍ଧୀ । ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି । ପୀଡିତଙ୍କ ପରିବାରକୁ ସହାୟତା କରିବାକୁ କଂଗ୍ରେସ କର୍ମୀଙ୍କୁ ଆହ୍ବାନ କରିଛନ୍ତି ।
ସେହିପରି ଉତ୍ତରପ୍ରେଦଶର ପୂର୍ବତନ ମୁଖ୍ୟମନ୍ତ୍ରୀ ତଥା ସପା ନେତା ଅଖିଳେଶ ଯାଦବ ମଧ୍ୟ ଘଟଣାକୁ ନେଇ ଯୋଗୀ ସରକାରଙ୍କ ଉପରେ ବର୍ଷିଛନ୍ତି । ପ୍ରଶାସନ ତ ଭିଆଇପିଙ୍କ ସୁରକ୍ଷାରେ ବ୍ୟସ୍ତ ଥିଲେ ଶ୍ରଦ୍ଧାଳୁଙ୍କ ଗୁରୁତ୍ବ ଦିଆଯାଉନାହିଁ । ତେଣୁ ଏହି ଅଘଟଣ ଘଟିଛି ।
ଏହା ବି ପଢନ୍ତୁ...ମହାକୁମ୍ଭରେ ବଡ ଅଘଟଣ ; ଦଳଚକଟାରେ ୧୫ ମୃତ, ଅମୃତ ସ୍ନାନ ପାଇଁ ଜମିଥିଲା ଭିଡ
#WATCH | Mumbai | On stampede at Mahakumbh, Shiv Sena (UBT) MP Sanjay Raut says, "...Kumbh is a matter of faith. What arrangements have been made for the devotees there? Women are having to sleep on roads. During Akhilesh Yadav's tenure, the arrangements at Kumbh were the best.… pic.twitter.com/bKs5vu2HBP
— ANI (@ANI) January 29, 2025
ସେହିପରି ମହାକୁମ୍ଭ ଦଳାଚକଟା ଘଟଣାକୁ ନେଇ ଶିବସେନା ସାଂସଦ ସଞ୍ଜୟ ରାୱତ କହିଛନ୍ତି, କୁମ୍ଭ ବିଶ୍ବାସର ମେଳା । ଏଠାରେ କୋଟି କୋଟି ଲୋକଙ୍କ ସମାଗମ ହୋଇଛି । ସେଠାରେ ଶ୍ରଦ୍ଧାଳୁଙ୍କ ପାଇଁ କି ବ୍ୟବସ୍ଥା ହୋଇଛି । ବିଜେପି ସେମାନଙ୍କୁ ଡାକି ମାର୍କେଟିଂ କରୁଛି । ସେମାନଙ୍କୁ ଦେଖେଇବାକୁ ଚାହୁଁଛି ଯେ ଦେଖ ଆମେ କଣ କରିଛୁ । ସେଠାରେ ଶ୍ରଦ୍ଧାଳୁଙ୍କ ପାଇଁ କୌଣସି ବ୍ୟବସ୍ଥା ହୋଇନାହିଁ । ମହିଳାମାନେ ରାସ୍ତାରେ ଶୋଉଛନ୍ତି । ଅଖିଳେଶ ଯାଦବଙ୍କ ସରକାର ସମୟରେ କୁମ୍ଭମେଳାରେ ସର୍ବୋତ୍ତମ ବ୍ୟବସ୍ଥା ହୋଇଥିଲା । କେବଳ ଭିଆଇପିଙ୍କୁ ଧ୍ୟାନ ଦିଆଯାଉଛି । ଏହି ଅଘଟଣ ପ୍ରଶାସନ ଦ୍ବାରା କରାଯାଇଥିବା ହତ୍ୟା । ଯେଉଁଥିରେ ନିରୀହ ଜୀବନ ଚାଲିଯାଇଛି ।
