ମୁମ୍ବାଇ,୨୯/୦୧: ଇତିହାସ ରଚିଛି ଆମୀର ଖାନ୍ ପ୍ରଡକ୍ସନ୍ ଏବଂ କିରଣ ରାଓଙ୍କ ନିର୍ଦ୍ଦେଶିତ ଫିଲ୍ମ‘ଲାପତା ଲେଡିଜ୍’ । ଅନ୍ତର୍ଜାତୀୟ ସ୍ତରରେ ମଚାଇଛି ଧମାଲ। ଜାପାନ ଏକାଡେମୀ ଫିଲ୍ମ ଆୱାର୍ଡ ୨୦୨୪ରେ ଏହି ଫିଲ୍ମକୁ ଶ୍ରେଷ୍ଠ ଅନ୍ତର୍ଜାତୀୟ ବର୍ଗ ପାଇଁ ଚୟନ କରାଯାଇଥିବା ଜଣାପଡ଼ିଛି।
ତେବେ ସର୍ବଶ୍ରେଷ୍ଠ ଅନ୍ତଃରାଷ୍ଟ୍ରୀୟ ଫିଲ୍ମର ବିଜେତା ଘୋଷଣା ଆସନ୍ତା ମାର୍ଚ୍ଚ ମାସ ୧୪ ତାରିଖରେ ଘୋଷଣା କରାଯିବ । ସୂଚନା ମୁତାବକ, ୨୦୨୪ ମସିହାରେ ଜାପାନରେ ମୁକ୍ତିଲାଭ କରିଥିବା ୨୦୪ଟି ଅନ୍ତର୍ଜାତୀୟ ଫିଲ୍ମ ମଧ୍ୟରୁ ‘ଲାପତା ଲେଡିଜ୍’ଶ୍ରେଷ୍ଠ ପାଞ୍ଚଟି ଫିଲ୍ମ ମଧ୍ୟରେ ମନୋନୀତ ହୋଇଛି।ଏହି ଫିଲ୍ମ ପାଇଁ ଏହା ଏକ ବଡ଼ ଉପଲବ୍ଧି। କିରଣ ରାଓଙ୍କ ‘ଲାପତା ଲେଡିଜ୍’ରେ କ୍ରିଷ୍ଟୋଫର୍ ନୋଲାଲ୍ଡ ‘ଓପେନହାଇମର୍’, ‘ଗରିବ ଥିଙ୍ଗ୍ସ’, ଜୋନାଥନ୍ ଗ୍ଲେଜରଙ୍କ ‘ଦ ଜୋଆନ୍ ଅଫ୍ ଇଣ୍ଟରେଷ୍ଟ’ ଏବଂ ଆଲେକ୍ସ ଗାର୍ଲାଣ୍ଡଙ୍କ ‘ସିଭିଲ୍ ୱାର୍’ ଭଳି ପ୍ରସିଦ୍ଧ ସିନେମା ଦେଖିବାକୁ ମିଳିବ। ପ୍ରକାଶ ଥାଉକି, ‘ଲାପତା ଲେଡିଜ୍’ର ନିର୍ଦ୍ଦେଶନା ଦେଇଛନ୍ତି କିରଣ ରାଓ ଏବଂ ପ୍ରଯୋଜନା କରିଛନ୍ତି ଆମୀର ଖାନ୍ ଓ ଜ୍ୟୋତି ଦେଶପାଣ୍ଡେ। ଅମୀର ଖାନ ପ୍ରଡକ୍ସନ ଏବଂ କିଣ୍ଡଲିଂ ପ୍ରଡକ୍ସନ ବ୍ୟାନରରେ ଏହି ଫିଲ୍ମ ନିର୍ମାଣ କରାଯାଇଛି।
