ଭୁବନେଶ୍ଵର, ୩୦/୦୧ : ଗୋଳନ୍ଥରା ଥାନା ରାଳବ ରାସ୍ତାରେ ଏକ ଚୋରି ଘଟଣାରେ ପୁଲିସକୁ ବଡ଼ ସଫଳତା। ୧ ଲକ୍ଷ ୪୦ ହଜାର ଟଙ୍କା ସହ ୫୬ ଗ୍ରାମର ସୁନା ଅଳଙ୍କାର ଉଦ୍ଧାର କଲା ପୋଲିସ। ଚୋରି ଘଟଣାରେ ପୋଲିସ ୪ ଜଣଙ୍କୁ ଗିରଫ କରିଛି। ସେମାନଙ୍କ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଛି। ଏନେଇ ଏସପି ସୂଚନା ଦେଇଛନ୍ତି।
ଏହି ଖବରଟିକୁ ପଢନ୍ତୁ- ରେଢାଖୋଲ ଧଉରାଖମନ ନିକଟରେ ଓଲଟିଲା ପିକ୍ଅପ୍ ଭ୍ୟାନ୍: ୨୨ ଆହତ, ୮ ଗୁରୁତର
ସୂଚନାନୁଯାୟୀ, ୨୦୨୪ ମସିହା ଡିସେମ୍ଵର ୧୮ ତାରିଖରେ ଗୋଳନ୍ଥରା ଥାନା ରାଳବ ରାସ୍ତାରେ ବଡ଼ ଧରଣର ଚୋରି ହୋଇଥିଲା। ଏନେଇ ନେଇ ସୂର୍ଯ୍ୟ ନାରାୟଣ ଆଚାର୍ଯ୍ୟ ଥାନାରେ ଅଭିଯୋଗ କରିଥିଲେ। ଏହି ଘଟଣାରେ ପୋଲିସକୁ ସଫଳତା ମିଳିଛି। ପୋଲିସ ୪ ଅଭିଯୁକ୍ତଙ୍କୁ ଗିରଫ କରିଛି। ଏହା ସହ ୧ ଲକ୍ଷ ୪୦ ହଜାର ଟଙ୍କା ସହ ୫୬ ଗ୍ରାମର ସୁନା ଅଳଙ୍କାର, ୪ଟି ମୋବାଇଲ୍ ଫୋନ, କମ୍ପ୍ୟୁଟର ସରଞ୍ଜାମ, କେତେକ ଡକ୍ୟୁମେଣ୍ଟ ସହ ଅନ୍ୟାନ୍ୟ କାଗଜପତ୍ର ଉଦ୍ଧାର କରିଛି। ଗିରଫ ହୋଇଥିବା ଅଭିଯୁକ୍ତଙ୍କ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଥିବା ସୂଚନା ମିଳିଛି।
