ଆନନ୍ଦପୁର, ୩୦।୧ : ଘଷିପୁରା ଥାନା ଅନ୍ତର୍ଗତ ୨୦ ନଂ ଜାତୀୟ ରାଜପଥର ବିଜି ମୋଟର୍ସ ନିକଟରେ ହାଇଓ୍ବା ଓ ବାଇକ ମଧ୍ୟରେ ଦୁର୍ଘଟଣା ହୋଇଛି। ଏଥିରେ ୨ଜଣଙ୍କର ମୃତ୍ୟୁ ଘଟିଥିବାବେଳେ ଜଣେ ଗୁରୁତର ଆହତ ହୋଇଛନ୍ତି। ଗୁରୁତରଙ୍କୁ ଆନନ୍ଦପୁର ଡାକ୍ତରଖାନା ଭର୍ତ୍ତି କରାଯାଇଛି। ମୃତକମାନେ ହେଲେ ନଦୁଆଁ ଗାଁର ଶିବମ୍ ଦେହୁରୀ ଓ ସିପୁନ୍ ଖଟୁଆ ।
ବାଇକରେ ୩ ଜଣ କୌଣସି କାମରେ ୨୦ ନଂ ଜାତୀୟ ରାଜପଥରେ ଯାଉଥିଲେ। ଏହି ସମୟରେ ବିଜି ମୋଟର ନିକଟରେ ସାମ୍ନାରେ ଯାଉଥିବା ହାଇଓ୍ବା ବାମପଟକୁ କାଟି ଦେଇଥିଲା। ନିୟନ୍ତ୍ରଣ ହରାଇ ବାଇକଟି ହାଇଓ୍ବା ପଛରେ ଧକ୍କା ଦେଇଥିଲା । ଏଥିରେ ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ଘଟିଥିଲା ଓ ଜଣେ ଗୁରୁତର ହୋଇଥିଲେ। ଖବରପାଇ ଘଷିପୁରା ପୋଲିସ୍ ଘଟଣାସ୍ଥଳରେ ପହଁଞ୍ଚି ମୃତଦେହ ଜବତ କରି ଘଟଣାର ତଦନ୍ତ କରୁଛି।
