ପୁରୀ,୩୦।୧ : ଚଳିତବର୍ଷ ସରସ୍ୱତୀ ପୂଜା କେଉଁ ତାରିଖରେ ପାଳନ ହେବ ତା'କୁ ନେଇ ଦ୍ବନ୍ଦ ଲାଗିରହିଛି। ୨ ତାରିଖ ନା ୩ ତାରିଖରେ ସରସ୍ବତୀ ପୂଜା ପାଳନ ହେବ ତା'କୁ ନେଇ ଦ୍ବନ୍ଦ ଲାଗି ରହିଛି। ତେବେ ଏହି ଦ୍ଵନ୍ଦକୁ ଦୂର କରିଛି ଶ୍ରୀମନ୍ଦିର ପ୍ରଶାସନ। ଆସନ୍ତା ଫେବୃଆରୀ ୨ ତାରିଖରେ ହିଁ ଶ୍ରୀମନ୍ଦିରରେ ସରସ୍ୱତୀ ପୂଜା ଅନୁଷ୍ଠିତ ହେବ ବୋଲି ଶ୍ରୀମନ୍ଦିର ନୀତି ପ୍ରଶାସକ ଜିତେନ୍ଦ୍ର ସାହୁ କହିଛନ୍ତି।
ପରମ୍ପରା ଅନୁଯାୟୀ ସରସ୍ୱତୀ ପୂଜା ଦିନ ହିଁ ବିଶ୍ବପ୍ରସିଦ୍ଧ ରଥଯାତ୍ରା ପାଇଁ ତିନିରଥ ପାଇଁ ତିନୋଟି ୧୨ ଫୁଟିଆ ଧଉରା କାଠକୁ ପୂଜାର୍ଚ୍ଚନା କରାଯିବ। ପୂର୍ବରୁ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ଅନୁଷ୍ଠିତ ବିଭିନ୍ନ ପଞ୍ଜିକାର ମାନଙ୍କ ସହ ପାଞ୍ଜି ସମୀକରଣ ବୈଠକରେ ସମସ୍ତ ଜାନି ଯାତ୍ରା ଚୁଡାନ୍ତ ହୋଇଛି। ଏଣୁ ସେହି ନିଷ୍ପତ୍ତି ଆଧାରରେ ଫେବୃଆରୀ ୨ ତାରିଖରେ ଶ୍ରୀମନ୍ଦିରରେ ସରସ୍ୱତୀ ପୂଜା ପାଳନ ହେବ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ନୀତି ପ୍ରଶାସକ।
