ଭୁବନେଶ୍ୱର ୧୧/୦୨: ସରିଲା ଟେଡ୍ଡି ଡେ’। ଏହି ଅବସରରେ ପ୍ରେମିକାର ମନଲାଖି ଛୋଟରୁ ବଡ଼ ଯାଏ ସବୁ ପ୍ରକାରର ଟେଡ୍ଡି ଆଣି ଦେଇଥିଲେ ପ୍ରେମିକ । ଟେଡ୍ଡି ଦାମ୍ ବି ଅନ୍ୟ ଦିନ ଅପେକ୍ଷା ବହୁତ ଅଧିକ ଥିଲା । ବଜାରରେ ବିଭିନ୍ନ ଭେରାଇଟିର ନୂଆ ଟେଡ୍ଡି ଦେଖିବାକୁ ମିଳିଥିଲା । କେହି କେହି ପ୍ରେମିକା ମାନଙ୍କୁ ଭାଲୁ ମଧ୍ୟ ଉପହାରରେ ପ୍ରଦାନ କରିଥିଲେ ।
ଆଜି ଭାଲେଣ୍ଟାଇନ୍ସ ସପ୍ତାହର ପଞ୍ଚମ ଦିନ ହେଉଛି ପ୍ରମିଜ୍ ଡେ’। ପ୍ରେମୀ ଯୁଗଳଙ୍କ ପାଇଁ ଏହି ଦିନଟି ବେଶ୍ ଗୁରୁତ୍ୱପୂର୍ଣ୍ଣ । ଫେବୃଆରୀ ମାସ ୧୧ ତାରିଖରେ ସବୁ ପ୍ରେମିକ ପ୍ରେମିକା ପରସ୍ପରକୁ ସାରା ଜୀବନ ଏକାଠି ରହିବାକୁ ପ୍ରତିଶ୍ରୁତି ଦେଇଥାନ୍ତି। ଏକ ସୁନ୍ଦର ଓ ମଜଭୁତ ସମ୍ପର୍କର ଆଧାର ହେଉଛି ପ୍ରତିଶ୍ରୁତି। ଏଣୁ ପ୍ରମିଜ୍ ଡେ’ ଅବସରରେ ସବୁ ପ୍ରେମୀଯୁଗଳ ପରସ୍ପରକୁ ସୁଖ,ଦୁଃଖ, ଭଲମନ୍ଦରେ ଏକାଠି ରହିବା ପାଇଁ ହାତରେ ହାତ ଛନ୍ଦି ପ୍ରତିଶ୍ରୁତି ଦେଇଥାନ୍ତି। ଏହି ଦିନରେ କୌଣସି ପରିସ୍ଥିତିରେ କେହି କାହାରି ହାତ ନ ଛାଡିବା ପାଇଁ ପ୍ରତିଜ୍ଞା ନେଇ ଆଗକୁ ବଢିଥାନ୍ତି।
