ପ୍ୟାରିସ୍‌, ୨୬/୦୭: ୨୦୬ ଦେଶରୁ ମୋଟ୍‌ ୧୦,୭୧୪ପ୍ରତିଯୋଗୀ  ଏଥର ପ୍ୟାରିସ୍‌ ଅଲିମ୍ପିକ୍ସରେ ଭାଗନେବାକୁ ଯାଉଛନ୍ତି । ୩୨ଟି କ୍ରୀଡ଼ାର ମୋଟ୍‌  ୩୨୯ଟି ପଦକ ଇଭେଣ୍ଟ ପାଇଁ ପ୍ରତିଯୋଗୀମାନଙ୍କ ମଧ୍ୟରେ ଲଢ଼େଇ ହେବ ।  ପୂର୍ବ ଭଳି ଏଥର ମଧ୍ୟ ଆମେରିକା(ୟୁଏସଏ) ସର୍ବବୃହତ୍‌ ଦଳ ନେଇ ପ୍ୟାରିସ୍‌ ଆସିଛି । ଆମେରିକା ଦଳରେ ୫୯୨ଜଣ ପ୍ରତିଯୋଗୀ ରହିଛନ୍ତି ।  ଆୟୋଜକ ଫ୍ରାନ୍ସ ଦ୍ୱିତୀୟ ବଡ଼ ଦଳ ସହ ଓହ୍ଲାଇବ । ଏହି ଦଳରେ ରହିଛନ୍ତି  ୫୭୩ ଜଣ ପ୍ରତିଯୋଗୀ । ୪ଟି ଦେଶ ବେଲିଜ, ଲିଚେନଷ୍ଟାଇନ, ନାଉରୁ ଓ  ସୋମାଲିଆ ଜଣେ ଲେଖାଏଁ ପ୍ରତିଯୋଗୀ ନେଇ ପ୍ୟାରିସ ଆସିଛନ୍ତି । ଏହି  ଦଳରେ ପ୍ରତିଯୋଗୀଙ୍କ ତୁଳନାରେ ଅଫିସିଆଲ ଓ କୋଚଙ୍କ ସଂଖ୍ୟା ଅଧିକ ।  

ପ୍ୟାରିସ୍‌ ଅଲିମ୍ପିକ୍ସରେ ୨୮ଟି ସ୍ଥାୟୀ କ୍ରୀଡ଼ା, ସ୍କେଟ ବୋର୍ଡିଂ, ସ୍ପୋର୍ଟ୍ସ କ୍ଲାଇମ୍ବିଂ,  ସର୍ଫିଙ୍ଗ୍‌ ଓ ବ୍ରେକିଂକୁ ମିଶାଇ ୪ଟି ଅସ୍ଥାୟୀ କ୍ରୀଡ଼ା ସାମିଲ ରହିଛି । ସ୍କେଟ ବୋର୍ଡିଂ,  ସ୍ପୋର୍ଟ୍ସ କ୍ଲାଇମ୍ବିଂ, ସର୍ଫିଙ୍ଗ୍‌ ୨୦୨୦ ଟୋକିଓ ଅଲିମ୍ପିକ୍ସରେ ସାମିଲ ଥିଲା । ଏଥର ବ୍ରେକିଂକୁ  ନୂଆ କ୍ରୀଡ଼ା ଭାବେ ସାମିଲ କରାଯାଇଛି । ଏହି ସ୍ଥାନରେ ବାଦ ପଡ଼ିଛି ସଫ୍ଟ ବଲ୍‌।