ନୂଆଦିଲ୍ଲୀ, ୫/୯ : ପ୍ୟାରିସ ଅଲମ୍ପିକ ୨୦୨୪ରେ ଭାଗ ନେଇଥିବା ଆଥଲେଟ ରେବେକା ଚେପ୍ଟେଗୀଙ୍କ ଗୁରୁବାର ଚିକିତ୍ସାଧିନ ଅବସ୍ଥାରେ ନିଧନ ହୋଇଛି । ସେପ୍ଟେମ୍ବରରେ ବୟଫ୍ରେଣ୍ଡ ତାଙ୍କ ସହ ବହୁ ନୃଶଂସ କାମ କରିଥିଲେ । ବ୍ୟକ୍ତି ଜଣଙ୍କ ଜମିଜମା ବିବଦକୁ ନେଇ ତାଙ୍କ ଉପରେ ପେଟ୍ରୋଲ ପକାଇ ନିଆଁ ଲଗାଇ ଦେଇଥିଲେ । ଯାହାର ୩ଦିନ ପରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ୩୩ବର୍ଷୀୟ ଆଥଲେଟଙ୍କ ଚିକିତ୍ସା କେନ୍ୟାର ଏକ ହସ୍ପିଟାଲରେ ହେଉଥିଲା । ଯେଉଁଠାରେ ତାଙ୍କୁ ଗୁରୁବାର ମୃତ ଘୋଷଣା କରାଯାଇଛି ।

ରେବେକାଙ୍କ ଶରୀରର ୮୦ପ୍ରତିଶତ ଜଳିବାର ଦାଗ ଥିଲା । ପୂର୍ବ ମାସରେ ହିଁ ସେ ପ୍ୟାରିସ ଅଲମ୍ପିକରେ ମାରାଥନରେ ଭାଗ ନେଇଥିଲେ । ରବିବାର ହୋଇଥିବା ଏହି ଘଟଣା ପରେ ତାଙ୍କ ଚିକିତ୍ସା ଏଲ୍ଡୋରେଟ ସହରର ମୋଇ ଟିଚିଂ ଏଣ୍ଡ ରେଫରଲ ହସ୍ପିଟାଲ‌ରେ ଚାଲୁଥିଲା । ଏପୀ ସମାଚାର ଏଜେନ୍ସି ଅନୁସାରେ ‘ମାରାଥନ ଧାବକ ଏବଂ ତାଙ୍କ ବୟଫ୍ରେଣ୍ଡ  ମଧ୍ୟରେ ଜମିଜମାକୁ ନେଇ ବିବାଦ ଉଗ୍ରରୂପ ନେଇଥିଲା । ଯାହାପରେ ତାଙ୍କୁ ନିଆଁ ଲଗାଇଥିଲେ ବୟଫ୍ରେଣ୍ଡ । ଟ୍ରାନ୍ସ ନ୍ଜୋଆ କାଉଣ୍ଟିଂ ପୋଲିସ କମାଣ୍ଡର ଜୋରିମିୟା ଓଲେ କୋସିୟମରେ ସୋମବାର କହିଥିଲେ କି ଚେପ୍ଟେଗୀଙ୍କ ସହ ଡିକ୍ସନ ନ୍ଦିମା ପେଟ୍ରୋଲ ସହ ଏକ ଜାର୍କିନ କିଣିଥିଲେ । ତାକୁ ଚେପ୍ଟେଗୀ ଉପରେ ପକାଇଥିଲେ ଏବଂ ରବିବାର ହୋଇଥିବା ବିବାଦ ସମୟରେ ତାଙ୍କୁ ନିଆଁ ଲଗାଇଦେଇଥିଲେ । ସେ ନିଜେ ବି ଜଳିଗଲେ ଏବଂ ତାଙ୍କ ଚିକିତ୍ସା ସେହି ହସ୍ପିଟାଲରେ ଚାଲୁଥିଲା ।

ୟୁଗାଣ୍ଡା ଆଥଲେଟିକ୍ସ ଫେଡରେଶନ ଏକ୍ସରେ ଏକ ପୋଷ୍ଟ କରି ଚେପ୍ଟେଗୀଙ୍କ ନିଧନ ହୋଇଥିବା ସୂଚନା ଦେଇଛି । ଫେଡରେଶନ ଆଥଲେଟଙ୍କ ନ୍ୟାୟର ଦାବି ବି କରିଛନ୍ତି ।