ଭୁବନେଶ୍ୱର,୧୫/୦୯: ଘରୋଇ ମଇଦାନ ଓ ସମର୍ଥକଙ୍କ ଉପସ୍ଥିତି ସତ୍ତେ୍ୱ  ଓଡ଼ିଶା ଏଫ୍‌ସିକୁ ପ୍ରଥମ ମ୍ୟାଚ୍‌ରେ ପରାଜୟର ସାମ୍ନା କରିବାକୁ ପଡ଼ିଛି । ୨ଥର ଚାମ୍ପିଅନ୍‌ ଚେନ୍ନାଇନ ଏଫସି  ଠାରୁ ଓଡ଼ିଶା ଏଫ୍‌ସି ୨-୩ ଗୋଲ୍‌ରେ  ପରାଜିତ ହୋଇଛି । ଏକଦା ୧-୦ ଗୋଲ୍‌ରେ ଅଗ୍ରଣୀ ହାସଲ କରିଥିଲେ  ହେଁ ଘରୋଇ ଦଳ ପରବର୍ତ୍ତୀ ସମୟରେ ଲକ୍ଷ୍ୟ ଚ୍ୟୁତ ହୋଇଥିଲା ।  

ମ୍ୟାଚ୍‌ର ନବମ ମିନିଟ୍‌ରେ ଓଡ଼ିଶା  ଏଫ୍‌ସିକୁ ଏକ ପେନାଲ୍ଟି ମିଳିଥିଲା ଓ  ଡିଏଗୋ ମରିସିଓ ଏହାକୁ ଗୋଲ୍‌ରେ  ରୁପାନ୍ତରିତ କରି ଦଳକୁ ଅଗ୍ରଣୀ  କରାଇଥିଲେ । ପ୍ରଥମାର୍ଦ୍ଧରେ ଘରୋଇ  ଦଳ ୧-୦ ଗୋଲ୍‌ରେ ଅଗ୍ରଣୀ ହାସଲ  କରିଥିଲା । ଦ୍ୱିତୀୟାର୍ଦ୍ଧରେ ଚେନ୍ନାଇନ  ଏଫ୍‌ସି ଦମ୍‌ଦାର ପ୍ରତ୍ୟାବର୍ତ୍ତନ କରିଥିଲା ।  ୪୮ତମ ମିନିଟ୍‌ରେ ଫାରୁକ ଚୌଧୁରୀଙ୍କ  ଗୋଲ୍‌ ବଳରେ ଚେନ୍ନାଇନ୍‌ ସ୍ଥିତି ବରାବର  କରିଥିଲା । କନ୍ନର ସିଲ୍ଡସ ତାଙ୍କୁ ଗୋଲ୍‌ରେ  ସହାୟତା କରିଥିଲେ । ପୁନର୍ବାର ୫୧ତମ  ମିନିଟ୍‌ରେ ଫାରୁକ ଦ୍ୱିତୀୟ ଗୋଲ୍‌ କରି  ଦଳକୁ ଅଗ୍ରଣୀ କରାଇଥିଲେ । ଓଡ଼ିଶା  ଏଫ୍‌ସି ମ୍ୟାଚ୍‌କୁ ଫେରିବା ପାଇଁ ସଂଗଠିତ  ହେବା ପୂର୍ବରୁ ଆଉ ଏକ ଗୋଲ୍‌ ବରଣ  କରିଥିଲା । ଚେନ୍ନାଇନ ପକ୍ଷରୁ ଡାନିଏଲ୍‌  ଚିମା ଚୁକ୍‌ଉ ଏହି ଗୋଲ୍‌ କରିଥିଲେ ।  

ଶେଷରେ ୯୦+୫ତମ ମିନିଟ୍‌ରେ  ଓଡ଼ିଶା ଏଫ୍‌ସି ଦ୍ୱିତୀୟ ଗୋଲ୍‌ କରିବାରେ  ସଫଳ ହୋଇଥିଲା । ଷ୍ଟାର ଖେଳାଳି ରୟ  କ୍ରିଷ୍ଣା ଏହି ଗୋଲ କରିଥିଲେ । ତାଙ୍କ  ହ୍ୟୁଗୋ ବୋମୋସ ଗୋଲ୍‌ରେ ସହାୟତା  କରିଥିଲେ । ଓଡ଼ିଶା ଏଫ୍‌ସି ଦ୍ୱିତୀୟ  ମ୍ୟାଚ୍‌ରେ ପଞ୍ଜାବ ଏଫ୍‌ସିକୁ ଭେଟିବ ।  ୨୦ତାରିଖରେ ଏହି ମ୍ୟାଚ୍‌ ଖେଳାଯିବ।