ନୂଆଦିଲ୍ଲୀ, ୧୭/୯ : ଚାମ୍ପିୟନ୍ସ ଟ୍ରଫି ୨୦୨୫କୁ ନେଇ ପ୍ରସ୍ତୁତି କେମିତି ରହିଛି, ପଡ଼ିଆରେ କାମ କେବେ ପର୍ଯ୍ୟନ୍ତ ଚାଲିବ ଏବଂ କେତେକ ଅନ୍ୟ ବିଷୟକୁ ନେଇ ଆଇସିସିର କିଛି ଅଧିକାରୀ ପାକିସ୍ତାନକୁ ଆସିବେ । କ୍ରିକବଜ ଅନୁସାରେ ମଙ୍ଗଳବାର ଅନ୍ତରାଷ୍ଟ୍ରୀୟ କ୍ରିକେଟ ପରିଷଦର ୫ଜଣିଆ ସଦସ୍ୟ ପାକିସ୍ତାନରେ ଲ୍ୟାଣ୍ଡ୍ କରିବେ । ଏହି ୫ଅଧିକାରୀ ଆଗାମୀ ବର୍ଷ ହେବାକୁ ଥିବା ଚାମ୍ପିୟନ୍ସ ଟ୍ରଫିର ପ୍ରସ୍ତୁତିର ସମୀକ୍ଷା କରିବେ ଏବଂ ତାଙ୍କର ପିସିବି ଅଧ୍ୟକ୍ଷ ମୋହସିନ ନକବୀଙ୍କୁ ଭେଟିବାର ଆଶା ରହିଛି।
ଆଇସିସିରୁ ଆସିଥିବା ଟିମ୍ ପଡ଼ିଆର ସମୀକ୍ଷା, ଅଭ୍ୟାସକୁ ନେଇ ସୁବିଧାକୁ ଦେଖିବେ । ଏହା ବ୍ୟତୀତ ପାକିସ୍ତାନରେ ଖେଳାଳୀଙ୍କ ଲାଗି ହୋଟେଲରେ ରହିବାର ସୁବିଧା କିଭଳି ହେବ ଏହି ବିଷୟ ଉପରେ ଖାସ୍ ଧ୍ୟାନ ଦିଆଯିବ । ୫ ଅଧିକାରୀଙ୍କ ଟିମ୍ ହୋଟେଲରେ ଯାଇ ସେଠାକାର ମ୍ୟାନେଜମେଣ୍ଟକୁ ଭେଟିବେ ଏଥିପାଇଁ କି ଖେଳାଳୀମାନେ ରହିବା ପରେ ସେଠାରେ କିଭଳି ସୁବିଧା ଦିଆଯିବ ।
ଆଇସିସି ଟିମ୍ ପ୍ରଥମେ କରାଚୀରେ ଦିଆଯାଉଥିବା ସୁବିଧାର ଯାଞ୍ଚ କରିବେ । ଏହାପରେ ଟିମ୍ ୨୦ସେପ୍ଟେମ୍ବରରେ ଇସଲାମବାଦ ଯିବେ ଏବଂ ସପ୍ତାହର ଶେଷରେ ଲାହୋରରେ ଦିଆଯାଉଥିବା ସୁବିଧାର ସମୀକ୍ଷା କରିବେ । ୨୧ସେପ୍ଟେମ୍ବରରେ ସବୁ ଅଧିକାରୀ ପୁଣି ଫେରିଯିବେ । ଆଇସିସି ଦ୍ବାରା ପଠାଯାଇଥିବା ଟିମରେ ବରିଷ୍ଠ ଇଭେଣ୍ଟ ମ୍ୟାନେଜମେଣ୍ଟଠାରୁ ନେଇ ଅନ୍ୟ ଇଭେଣ୍ଟ ମ୍ୟାନେଜର, ସିକ୍ୟୁରିଟି ମ୍ୟାନେଜର, ପ୍ରଡକ୍ସନ ମ୍ୟାନେଜର ଏବଂ କ୍ରିକେଟର ଜେନେରାଲ ମ୍ୟାନେଜର ସାମିଲ ହେବେ ।