ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୫ ଲାଗି ମେଗା ଅକ୍ସନ ହେବାକୁ ଯାଉଛି । ବିସିସିଆଇ ସୂତ୍ରରୁ ମିଳିଥିବା ସୂଚନା ଅନୁସାରେ, ନେଭେମ୍ବର ଶେଷ କିମ୍ବା ଡିସେମ୍ବର ଆରମ୍ଭରୁ ମେଗା ଅକ୍ସନ ହୋଇପାରେ । ଆଇପିଏଲ ନିଲାମୀ ଲାଗି ନିୟମ ସଂପର୍କରେ ବିସ୍ତୃତ୍ବ ସୂଚନା ବିସିସିଆଇ ପକ୍ଷରୁ ଦୁଇ ଦିନ ମଧ୍ୟରେ ଜାରି ହେବ । ଗତ ୧୦ ବର୍ଷ ମଧ୍ୟରେ ଇଣ୍ଡିଆନ୍ ପ୍ରିମିୟର ଲିଗ୍ରେ ଦୁଇଟି ବଡ଼ଧରଣର ନିଲାମୀ ହୋଇଛି । ପ୍ରତି ୪ ବର୍ଷରେ ଥରେ ଏହି ନିଲାମୀ ହୋଇଛି ।
ପ୍ରଥମ ମେଗା ଅକ୍ସନ ୨୦୧୪ ଏବଂ ପରେ ୨୦୧୮ରେ ହୋଇଥିଲା । ସେତେବେଳେ ରାଜସ୍ଥାନ ରୟାଲ୍ସ ଏବଂ ଚେନ୍ନାଇ ସୁପରକିଙ୍ଗ୍ସ ଉପରୁ ଦୁଇ ବର୍ଷର ନିଲମ୍ବର ପ୍ରତ୍ୟାହାର ହୋଇଥିଲା । ଏଭଳି ସ୍ଥିତିରେ ଆଇପିଏଲ ୨୦୨୫ ଲାଗି ମେଗା ଅକ୍ସନ ନେଇ ବିସିସିଆଇ ସୂତ୍ରରୁ ଯେଉଁ ସୂଚନା ମିଳିଛି ତାହା ଖେଳପ୍ରେମୀଙ୍କ ଗହଣରେ ଉତ୍ସାହ ବଢ଼ାଇ ଦେଇଛି । ମିଳିଥିବା ସୂଚନା ଅନୁସାରେ, ନଭେମ୍ବର ଶେଷ କିମ୍ବା ଡିସେମ୍ବର ପ୍ରଥମ ସପ୍ତାହରେ ହୋଇପାରେ ମହା ନିଲାମୀ । ଏ ସଂପର୍କିତ ନିୟମ ସଂପର୍କରେ ସୂଚନା ଆଉ ଦିନେ ଦୁଇ ଦିନ ଭିତରେ ଘୋଷଣା କରିପାରେ ବିସିସିଆଇ ।
୨୦୨୧ର ଅକ୍ସନ କରୋନା ମହାମାରୀ ଲାଗି ୨୦୨୨କୁ ଘୁଞ୍ଚିଥିଲା । ୨୦୨୨ର ମେଗା ଅକ୍ସନ ଫେବୃଆରୀରେ ହୋଇଥିବା ବେଳେ ୨୦୨୩ ଏବଂ ୨୦୨୪ ଆଇପିଏଲ ଲାଗି ଅକ୍ସନ ଡିସେମ୍ବରରେ ହୋଇଥିଲା । ଆସନ୍ତା ଅକ୍ସନ ଦୁଇ ଦିନ ହୋଇପାରେ । ୨୦୨୨ ଅକ୍ସନ ସମୟରେ ଟିମଗୁଡ଼ିକୁ ୪ ଜଣ ଖେଳାଳିଙ୍କୁ ରିଟେନ କରିବାକୁ ସୁଯୋଗ ମିଳିଥିଲା । ଏବେ କେତେକ ଫ୍ରାଞ୍ଚାଇଜ୍ ରିଟେନ୍ ତାଲିକା କମାଇବା ଲାଗି ଦାବି କରୁଥିବା ବେଳେ କେତେକ ରିଟେନ୍ସନ କ୍ୟାପ୍ ବୃଦ୍ଧି ପାଇଁ କହୁଥିବା ଜଣାପଡ଼ିଛି । ଆଉ କିଛି ଫ୍ରାଞ୍ଚାଇଜ୍ ଏବେ ଚାଲିଥିବା ପ୍ରଥାରେ (୪ ଜଣ ରିଟେନ୍ ଖେଳାଳି) ଖୁସି ଅଛନ୍ତି ।
