ନୂଆଦିଲ୍ଲୀ, ୧୫/୯ : ଭାରତ ଏବଂ ବାଂଲାଦେଶ ମଧ୍ୟରେ ଦୁଇ ମ୍ୟାଚର ଟେଷ୍ଟ ସିରିଜ ଖେଳାଯିବାକୁ ଅଛି । ଭାରତ ମାଟିରେ ହେବାକୁ ଥିବା ଏହି ଟେଷ୍ଟ ସିରିଜର ଆରମ୍ଭ ୧୯ସେପ୍ଟେମ୍ବରରୁ ହେବ । ସିରିଜର ପ୍ରଥମ ଟେଷ୍ଟ ଚେନ୍ନାଇର ଏମଏ ଚିଦମ୍ବରମ ଷ୍ଟାଡିୟମରେ ଖେଳାଯିବ । ପରେ ଦ୍ବିତୀୟ ମ୍ୟାଚ୍ କାନପୁରର ଗ୍ରୀନ ପାର୍କରେ ୨୭ସେପ୍ଟେମ୍ବରରେ ହେବ ।
ନିକଟରେ ବାଂଗଲାଦେଶ ପାକିସ୍ତାନକୁ ତା’ର ନିଜ ମାଟିରେ ୨ମ୍ୟାଚ ଟେଷ୍ଟ ସିରିଜ ୨-୦ରେ ହରାଇଛି । ଏଭଳିସ୍ଥଳେ ବାଂଲାଦେଶ ଟିମକୁ ସହଜ ଭାବିବା କୌଣସି ଭାବେ ଠିକ୍ ନୁହେଁ । ଆସନ୍ତୁ ଜାଣିବା ଏବେ ପର୍ଯ୍ୟନ୍ତ ବାଂଲାଦେଶ କେବେ କେବେ ଅନ୍ତର୍ଜାତୀୟ କ୍ରିକେଟରେ ଭାରତୀୟ ଟିମକୁ ହରାଇଛି ।
ଟି-୨୦ ଅନ୍ତର୍ଜାତୀୟ : ଭାରତ ଏବଂ ବାଂଲାଦେଶ ମଧ୍ୟରେ ଏବେ ପର୍ଯ୍ୟନ୍ତ ପ୍ରାୟ ୧୪ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳାଯାଇ ସରିଛି । ଏହି ମ୍ୟାଚରେ ଭାରତ ୧୩ରେ ବିଜୟ ହାସଲ କରିଛି। ଯାହାକି ବାଂଲାଦେଶ କେବଳ ଗୋଟିଏରେ ବିଜୟ ହୋଇଛି ।
ଓ୍ବାନଡେ : ଭାରତ ଏବଂ ବାଂଲାଦେଶ ଟିମ୍ ଏବେ ପର୍ଯ୍ୟନ୍ତ ପ୍ରାୟ ୪୧ଥର ଦିନିକିଆରେ ସାମ୍ନାସାମ୍ନି ହୋଇଛନ୍ତି । ଭାରତ ୪୧ରୁ ୩୨ ମ୍ୟାଚରେ ବିଜୟ ହାସଲ କରିଛନ୍ତି । ଯାହାକି ବାଂଲାଦେଶ ୮ମ୍ୟାଚ୍ ବିଜୟୀ ହୋଇଛି । ବାକି ଗୋଟିଏ ମ୍ୟାଚ୍ ବାତିଲ ହୋଇଛି ।
ଟେଷ୍ଟ : ଭାରତ ଏବଂ ବାଂଲାଦେଶ ମଧ୍ୟରେ ଏବେ ପର୍ଯ୍ୟନ୍ତ ୧୩ଟେଷ୍ଟ ମ୍ୟାଚ୍ ଖେଳାଯାଇ ସରିଛି । ଏହି ମ୍ୟାଚରେ ଟିମ୍ ଇଣ୍ଡିଆ ୧୧ଥର ବିଜୟ ହାସଲ କରିଛି। ଯାହାକି ବାକି ୨ମ୍ୟାଚ ଡ୍ରରେ ଶେଷ ହୋଇଛି । ଏବେ ପର୍ଯ୍ୟନ୍ତ ବାଂଲାଦେଶ କେବଳ ଟେଷ୍ଟ କ୍ରିକେଟରେ ଭାରତ ବିପକ୍ଷରେ ବିଜୟ ହାସଲ କରିପାରିନାହିଁ ।