ନୂଆଦିଲ୍ଲୀ, ୧୪/୯ : ତେଜସ୍ବୀ ଯାଦବ ବିହାରର ଜଣାଶୁଣା ନେତାଙ୍କ ମଧ୍ୟରୁ ଜଣେ । ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ରହି ସାରିଛନ୍ତି ଏବଂ ରାଜ୍ୟରେ କେତେକ ମନ୍ତ୍ରାଳୟର ଭାର ବି ସମ୍ଭାଳି ସାରିଛନ୍ତି । କିନ୍ତୁ ତାଙ୍କର କ୍ରିକେଟରେ ବି ପୁରୁଣା ସମ୍ପର୍କ ରହିଥିଲା । ପ୍ରକାଶ ଯେ, ରାଜନୀତିରେ ଆସିବା ପୂର୍ବରୁ ସେ କ୍ରିକେଟ ଖେଳୁଥିଲେ ଏବଂ ଷ୍ଟେଟ ଲେବୁଲ ଖେଳାଳୀ ବି ଥିଲେ । ଏଭଳି କି ତାଙ୍କୁ ଆଇପିଏଲ କଣ୍ଟ୍ରାକ୍ଟ ବି ମିଳିଥିଲା, କିନ୍ତୁ ଏହା ଭିନ୍ନ କଥା କି ତାଙ୍କୁ ଖେଳିବାର କେବେ ସୁଯୋଗ ମିଳିନଥିଲା ।
ତେଜସ୍ବୀ ଯାଦବ ଦିଲ୍ଲୀ ଆରକେ ପୁରମ ସ୍ଥିତ ଦିଲ୍ଲୀ ପବ୍ଲିକ ସ୍କୁଲରେ ପଢୁଥିଲେ । ତାଙ୍କ କ୍ରିକେଟ କ୍ୟାରିୟରର ଆରମ୍ଭ ବି ସ୍କୁଲ ଦିନରୁ ହୋଇଥିଲା ଏବଂ ୧୩ବର୍ଷ ବୟସରେ ତାଙ୍କର ଦିଲ୍ଲୀର ଅଣ୍ଡର-୧୫ଟିମରେ ଚୟନ ହୋଇଥିଲା । ଯାଦବ ନିଜ ପ୍ରୋଫେଶନାଲ କ୍ରିକେଟ କ୍ୟାରିୟରରେ ୪ ଟି ୨୦ମ୍ୟାଚ ଖେଳିଥିଲେ । କିନ୍ତୁ ତାଙ୍କୁ କେବଳ ଗୋଟିଏ ପାଳିରେ ବ୍ୟାଟିଂ କରିବାର ସୁଯୋଗ ମିଳିଥିଲା । ଯେଉଁଥିରେ ସେ ୩ରନ କରିପାରିଥିଲେ । ଏହା ବ୍ୟତୀତ ସେ ଲିଷ୍ଟ –ଏ କ୍ୟାରିୟରରେ ୨ମ୍ୟାଚ୍ ଏବଂ ଏକ ଫାଷ୍ଟ – କ୍ଲାସ ମ୍ୟାଚରେ ବି ଖେଳିଥିଲା । ସେ ନିଜ କ୍ୟାରିୟରରେ ଖେଳିଥିବା ସବୁ ୭ମ୍ୟାଚରେ ଗୋଟିଏ ଓ୍ବିକେଟ ନେଇଥିଲେ ।
ଭାରତର ଭେଟରାନ ଲିଡରଙ୍କ ମଧ୍ୟରୁ ଜଣେ ହେଲେ ଲାଲୁ ପ୍ରସାଦ ଯାଦବଙ୍କ ପୁଅ ତେଜସ୍ବୀଙ୍କୁ ଆଇପିଏଲ ୨୦୦୮ରେ ଦିଲ୍ଲୀ ଡେୟାରଡେଭିଲ୍ସ ୮ଲକ୍ଷ ଟଙ୍କାରେ ନିଜ ସ୍କ୍ବାଡ଼ରେ ସାମିଲ କରିଥିଲା । ସେ ୪ସିଜନ ଦିଲ୍ଲୀ ଟିମର ଭାଗିଦାରୀ ଥିଲେ । କିନ୍ତୁ ତାଙ୍କୁ ଖେଳିବାର ଅବସର ମିଳିନଥିଲା । ୨୦୧୧ରେ ତାଙ୍କର ଗୋଟିଏ ସିଜନ ଲାଗି ଦରମା ୮ଲକ୍ଷରୁ ବଢି ୧୦ଲକ୍ଷ ହୋଇଯାଇଥିଲା । ତେଜସ୍ବୀ କହିଥିଲେ କି ଦୁଇ ଗୋଡ଼ରେ ଆଘାତ ଲାଗିବାରୁ ତାଙ୍କୁ କ୍ରିକେଟକୁ ଅଲବିଦା କହିବାକୁ ପଡ଼ିଥିଲା । ନିକଟରେ ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ରହିସାରିଥିବା ତେଜସ୍ବୀ ଯାଦବ କହିଛନ୍ତି କି ଗୋଟିଏ ସମୟରେ ବିରାଟ କୋହଲୀ ବି ତାଙ୍କ ଅଧିନାୟକତ୍ବରେ ଖେଳୁଥିଲେ । ଏହି କଥା ହେଉଛି ସେତେବେଳର ଯେତେବେଳେ ଦିଲ୍ଲୀର ଅଣ୍ଡର-୧୫ ଏବଂ ପରେ ଅଣ୍ଡର-୧୭ଟିମ୍ ଲାଗି ବି ଖେଳୁଥିଲେ । ସେତେବେଳେ ବିରାଟ କୋହଲୀ ତେଜସ୍ବୀଙ୍କ ଅଧିନାୟକତ୍ବରେ ଖେଳୁଥିଲେ ।
