କୋଲକାତା,୦୬/୦୯: ଶ୍ରୀଲଙ୍କାର ପୂର୍ବତନ ୱିକେଟ୍‌  କିପର ବ୍ୟାଟର କୁମାର ସାଙ୍ଗାକାରା ଆଗାମୀ ଆଇପିଏଲ୍‌ ପୂର୍ବରୁ କୋଲକାତା ନାଇଟ ରାଇଡର୍ସ ଦଳର ମେଣ୍ଟର ନିଯୁକ୍ତ ହେବା  ସମ୍ଭାବନା ରହିଛି । ସେ ବର୍ତ୍ତମାନ ରାଜସ୍ଥାନ ରୟାଲ୍ସ ଦଳର ନିର୍ଦ୍ଦେଶକ ଦାୟିତ୍ୱରେ ରହିଛନ୍ତି।  

ଆଗାମୀ ସିଜନ ପାଇଁ ପୂର୍ବତନ ଟିମ ଇଣ୍ଡିଆ କୋଚ୍‌  ରାହୁଲ ଦ୍ରାବିଡଙ୍କୁ ରାଜସ୍ଥାନ ରୟାଲ୍ସ ମୁଖ୍ୟ କୋଚ ଭାବେ  ନିଯୁକ୍ତି ଦେବାକୁ ଯୋଜନା କରୁଛି । ସହକାରୀ କୋଚ୍‌ ଭାବେ  ବିକ୍ରମ ରାଠୋର ମଧ୍ୟ ରୟାଲ୍ସ ଦଳରେ ଯୋଗ ଦେବେ । ତେଣୁ  ସାଙ୍ଗାକାରା ପୁରୁଣା ଫ୍ରାଞ୍ଚାଇଜ୍‌ର ଦାୟିତ୍ୱ ଛାଡ଼ି ନୂଆ ଦଳରେ ଯୋଗ  ଦେବାକୁ ଚାହୁଁଛନ୍ତି । କୋଲକାତା ନାଇଟ୍‌ ରାଇଡର୍ସ ମଧ୍ୟ ନୂଆ  ମେଣ୍ଟର ଖୋଜୁଛି । ଗୌତମ ଗମ୍ଭୀର ଗତ ସିଜନରେ ନାଇଟ୍‌  ରାଇଡର୍ସର ମେଣ୍ଟର ଭାବେ ଯୋଗ ଦେଇ ଦଳକୁ ଚାମ୍ପିଅନ୍‌  କରାଇଥିଲେ । ସେ ବର୍ତ୍ତମାନ ଟିମ ଇଣ୍ଡିଆ ମୁଖ୍ୟ କୋଚ୍‌ ।  ସହକାରୀ କୋଚ ଥିବା ର‌୍ୟାନ୍‌ ଟେନ ଡୋସେଟ୍‌ ଓ ଅଭିଷେକ  ନାୟର ମଧ୍ୟ ଭାରତୀୟ ଦଳର କୋଚ୍‌ ଭାବେ ଯୋଗ ଦେଇଛନ୍ତି ।  ତେଣୁ ନାଇଟ ରାଇଡର୍ସ ସାଙ୍ଗାକାରାଙ୍କୁ ନେବାକୁ ଆଶା ବାନ୍ଧିଛି ।