ଯାଜପୁରରୋଡ, ୨୩।୨ : ଯାଜପୁର ରୋଡ଼ ଥାନା ମିଲିଟାରୀ ଛକ ନିକଟରେ ଜଳିଗଲା ବସ। ରାସ୍ତାକଡରେ ବସ ଠିଆ ହୋଇଥିବା ବେଳେ ନିଆଁ ଲାଗି ଜଳିଯାଇଛି। ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।
ସୂଚନା ମୁତାବକ ସ୍ଥାନୀୟ ଘରୋଇ କାରଖାନାର ଏକ ବସ ଟି ମିଲିଟାରୀ ଛକ ନିକଟରେ ରାସ୍ତା କଡରେ ଠିଆ ହୋଇରହିଥିବା ବେଳେ ହଠାତ୍ ଜଳି ଉଠିଥିଲା। ସ୍ଥାନୀୟ ଲୋକେ ଏହା ଦେଖି ସ୍ଥାନୀୟ ଦାନଗଦି ଅଗ୍ନିଶମ ବାହିନୀକୁ ଖବର ଦେଇଥିଲେ। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ କୁ ଆୟତ୍ତ କରିଛନ୍ତି। ଏହି ଅଗ୍ନିକାଣ୍ଡ ଫଳରେ କିଛି ସମୟ ପାଇଁ ଡ଼ୁବୁରୀ ଯାଜପୁର ରୋଡ଼ ରାସ୍ତାରେ ଗାଡି ଚଳାଚଳ ବନ୍ଦ ରହିଥିଲା। ପରେ ପୋଲିସ ପହଞ୍ଚି ଟ୍ରାଫିକ ନିୟନ୍ତ୍ରଣ କରିବା ପରେ ଗାଡି ଚଳାଚଳ ସ୍ୱାଭାବିକ ହୋଇଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଏଥିରେ କେହି ଆହତ ହୋଇ ନଥିବା ଜଣାପଡ଼ିଛି।
