ଭୁବନେଶ୍ଵର, ୨୩।୨ - ପୁରୀ ସଂକଳ୍ପ ପଦଯାତ୍ରା ସମୟରେ ଉତ୍ସାହୀ କର୍ମୀଙ୍କ ଭିଡ଼ରେ ପିସିସି ସଭାପତି ଭକ୍ତ ଚରଣ ଦାସଙ୍କ ହାତରେ ଆଘାତ ଲାଗିଥିଲା। ତାଙ୍କ ହାତର ସଫଳ ଅସ୍ତ୍ରୋପଚାର ହୋଇଛି। ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ତାଙ୍କ ହାତର ଅସ୍ତ୍ରୋପଚାର କରାଯାଇଛି।
ଭକ୍ତ ଦାସ ପିସିସି ସଭାପତି ହେବା ପରେ ପ୍ରଥମେ ସଂକଳ୍ପ ପଦଯାତ୍ରା ଆରମ୍ଭ କରିଥିଲେ। ଆସନ୍ତା ୧୮ ତାରିଖରେ ଭୁବନେଶ୍ୱରରୁ ପୁରୀ ପର୍ଯ୍ୟନ୍ତ କଂଗ୍ରେସର ସଂକଳ୍ପ ପଦଯାତ୍ରା ଆୟୋଜିତ ହୋଇଥିଲା। ଏହା ୩ ଦିନ ଧରି ଅନୁଷ୍ଠିତ ହୋଇଥିଲା। ପଦଯାତ୍ରା ସମୟରେ କର୍ମୀଙ୍କ ଭିଡରେ ଭକ୍ତ ଦାସ ଆହତ ହୋଇଥିଲେ। ତାଙ୍କ ହାତରେ ଆଘାତ ଲାଗିଥିଲା। ସେ ତୁରନ୍ତ ପ୍ରାଥମିକ ଚିକିତ୍ସା କରି ସଂକଳ୍ପ ପଦଯାତ୍ରାରେ ଯାଇଥିଲେ। ପଦଯାତ୍ରା ଶେଷ ହେବା ପରେ ସେ ହାତର ଅସ୍ତ୍ରୋପଚାର କରିଛନ୍ତି।
