ମୁମ୍ବାଇ, ୨୩/୨ : ଅଭିନେତା ଅମିର ଖାନ ନିକଟରେ ମହାଭାରତ ନିର୍ମାଣ କରିବାକୁ ନେଇ ଲମ୍ବା ସମୟରୁ ଚାଲି ଆସିଥିବା ଇଛାକୁ ପ୍ରକାଶ କରିଛନ୍ତି । ନିକଟରେ ଏକ କାର୍ଯ୍ୟକ୍ରମରେ ଅମିର ନିଜ ସ୍ବପ୍ନ ବିଷୟରେ ସମସ୍ତଙ୍କ ସହ ସେୟାର କରିଛନ୍ତି ଏବଂ ଏହା ବି କହିଛନ୍ତି କି ପିଲାମାନଙ୍କ ସହ ଯୋଡ଼ି ହୋଇଥିବା କଣ୍ଟେଣ୍ଟ ତାଙ୍କୁ ବହୁତ ପସନ୍ଦ ଆସିଥାଏ । ଅମିର କହିଛନ୍ତି କି ମହାଭାରତ ନିର୍ମାଣ କରିବା ମୋର ସ୍ବପ୍ନ ଅଟେ । ଏଥିଲାଗି ବୋଧେ ଏବେ ମୁଁ ସେହି ସ୍ବପ୍ନ ବିଷୟରେ ଭାବି ପାରିବି । ଦେଖିବା ଏଥିରେ ମୋର କୌଣସି ଭୂମିକା ରହୁଛି କି ନାହିଁ । ଖାନ୍ ପିଲାମାନଙ୍କ କଣ୍ଟେଣ୍ଟରେ ନିଜର ଖୁସିଥିବା କହି ମୋର କହିବା କଥା କି ଭାରତରେ ଆମେ ପିଲାମାନଙ୍କ ସହିତ ଜଡ଼ିତ କଣ୍ଟେଣ୍ଟ କମ୍ କରିଥାଉ । ସାଧାରଣତ ଆମେ ଏହାକୁ ବିଦେଶରୁ ଇମ୍ପୋର୍ଟ କରିଥାଉ, ଏହାକୁ ଆମେ ଡବ୍ କରିଥାଉ ଏବଂ ରିଲିଜ କରିଥାଉ । ମୁଁ ପିଲାମାନଙ୍କ ବିଷୟରେ କଣ୍ଟେଣ୍ଟ କରିବାକୁ ଚାହୁଁଛି ।
ସେ କହିଛନ୍ତି କି ଜଣେ ଅଭିନେତା ଭାବେ ସେ ଗୋଟିଏ ଥରରେ ଗୋଟିଏ ଫିଲ୍ମ କରିବାକୁ ପସନ୍ଦ କରିଥାନ୍ତି । କିନ୍ତୁ ଜଣେ ପ୍ରଡ୍ୟୁସର ଭାବେ ତାଙ୍କର ଟାର୍ଗେଟ ଅଧିକ ପ୍ରୋଜେକ୍ଟ ନେବା । ଅମିର କହିଛନ୍ତି କି, ଜଣେ ଅଭିନେତା ଭାବେ ମୁଁ ଗୋଟିଏ ଥରରେ ଗୋଟିଏ ଫିଲ୍ମ କରିଥାଏ ଏବଂ ମୁଁ ଏଥିରେ ଖୁସି ଅଛି । ମୁଁ ଏକ ପ୍ରଡ୍ୟୁସର ଭାବେ ଆହୁରି ବି ଫିଲ୍ମ କରିବାକୁ ପ୍ରୟାସ କରୁଛି । ଆଗାମୀ ମାସରେ ୬୦ବର୍ଷର ହୋଇଯିବି ଏବଂ ଆଗାମୀ ୧୦ରୁ ୧୫ବର୍ଷ ପର୍ଯ୍ୟନ୍ତ ମୁଁ ଆଉ କାମ କରିବାକୁ ଚାହୁଁଛି ଏବଂ ନୂଆ ଟ୍ୟାଲେଣ୍ଟକୁ ସୁଯୋଗ ଦେବାକୁ ଚାହୁଁଛି ।
