କେନ୍ଦ୍ରାପଡା,୧୧।୭: କେନ୍ଦ୍ରାପଡା ଡେରାବିଶ ଥାନା ଅନ୍ତର୍ଗତ ଫକିରାବାଦ ଜେନା ସାହିରେ ଘର ଭିତରୁ ଦମ୍ପତିଙ୍କ ମୃତଦେହ ଉଦ୍ଧାର କରାଯାଇଛି l ମୃତ ଦମ୍ପତି ହେଲେ କାର୍ତ୍ତିକ ଜେନା(୨୫) ଓ ପିଙ୍କି ଜେନା (୨୧)।
ଫକିରାବାଦ ଜେନା ସାହିରେ ଘର ଭିତରୁ କାର୍ତ୍ତିକ ଜେନା (୨୫) ଓ ପିଙ୍କି ଜେନା ନିଜ ଶୋଇବା ଘର କବାଟ ଖୋଲି ନ ଥିଲେ। ପରିବାର ଲୋକେ କବାଟ ଭାଙ୍ଗି ଫ୍ୟାନ ରେ ଉଭୟ ଙ୍କୁ ଝୁଲୁଥିବାର ଦେଖିବାକୁ ପାଇଥିଲେ l ତେବେ ମୃତ୍ୟୁ ପଛରେ କଣ କାରଣ ରହିଛି ତାହା ଜଣାପଡ଼ି ନାହିଁ l କିନ୍ତୁ ମିଳିଥିବା ସୂଚନା ଅନୁଯାୟୀ ଉଭୟ ପ୍ରେମ ବିବାହ କରିଥିଲେ l କିନ୍ତୁ ଏକ ଦୁର୍ଘଟଣାରେ କାର୍ତ୍ତିକ ନିଜର ଚଳନ ଶକ୍ତି ହରାଇବା ପରେ ଅଭାବ ଅସୁବିଧାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହେଉଥିଲା l ପୋଲିସ ଉଭୟଙ୍କ ମୃତଦେହ ଜବତ୍ କରି ତଦନ୍ତ ଆରମ୍ଭ କରିଛି l