ପଟ୍ଟାମୁଣ୍ଡାଇ,୧୮/୮ : ବଜ୍ରପାତରେ ଚାଲିଗଲା ଦୁଇ ଜୀବନ । ଏଭଳି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ପଟ୍ଟାମୁଣ୍ଡାଇ ବ୍ଲକରେ । ମୃତକ ହେଲେ ଦୋଷିଆ ପଂଚାୟତ ବାସୁଦେବପୁର ଗ୍ରାମର ବିଜୟ ମଳିକ ଓ ଗରା ଗ୍ରାମର ବାବାଜୀ ପ୍ରଧାନ ।
ସୂଚନା ଅନୁସରରେ ଆଜି ବିଲରେ କାମ କରୁଥିବାବେଳେ ବଜ୍ରପାତ ହୋଇଥିଲା । ଏହି ସମୟରେ ଉଭୟେ ବଜ୍ରପାତର ଶିକାର ହୋଇଥିଲେ । ପରେ ଦୁଇ ଜଣଙ୍କୁ ଗୁରୁତର ଅବସ୍ଥାରେ ପଟ୍ଟାମୁଣ୍ଡାଇ ମେଡ଼ିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୁଇ ଜଣଙ୍କ ଅକାଳ ବିୟୋଗକୁ ନେଇ ମେଡ଼ିକାଲ ପରିସରରେ ଶୋକାକୁଳ ପରିସ୍ଥିତି ଦେଖିବାକୁ ମିଳିଛି ।