୧୯।୮: ପବିତ୍ର ରକ୍ଷାବନ୍ଧନ ଏବଂ ପ୍ରଭୁ ଶ୍ରୀ ବଳଦେବଜୀଉଙ୍କ ଜନ୍ମ ଉତ୍ସବ । ଭାଇ ହାତରେ ଭଉଣୀ ବାନ୍ଧିଛି ସ୍ନେହ, ପ୍ରେମ, ବିଶ୍ୱାସ ଓ ଭଲପାଇବାର ରାକ୍ଷୀ l ଏହି ପବିତ୍ର ଦିନ ଅବସରରେ ତୁଳସୀ କ୍ଷେତ୍ରର ଆରାଧ୍ୟ ଦେବତା ପ୍ରଭୁ ଶ୍ରୀ ବଳଦେବଜୀଉ ଏବଂ ଜଗତର ନାଥ ପ୍ରଭୁ ଶ୍ରୀ ଜଗନ୍ନାଥଙ୍କ ହାତରେ ଭଉଣୀ ସୁଭଦ୍ରା ରାକ୍ଷୀ ବାନ୍ଧିଛନ୍ତି । 

ଏହି ଅବସରରେ କେନ୍ଦ୍ରାପଡ଼ାର ବଳଦେବଜୀଉଙ୍କ ମନ୍ଦିରରେ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହେଉଛି । ଶ୍ରୀଜୀଉଙ୍କ ପହଡ଼ ଖୋଲିବା ପରେ ମଙ୍ଗଳ ଆଳତୀ ଶେଷ ହେବା ପରେ ନୀତି ସ୍ନାନ କରାଯାଇଥିଲା । ପ୍ରଭୁ ଶ୍ରୀ ବଳଦେବଜୀଉଙ୍କ ଜନ୍ମଦିନ ପାଇଁ ଦିଅଁମାନଙ୍କୁ ନୂତନ ବସ୍ତ୍ର ପିନ୍ଧାଯାଇଥିଲା । ଧୂପ ପରେ ଶ୍ରୀକ୍ଷେତ୍ର ପୁରୀରୁ ଭଉଣୀ ସୁଭଦ୍ରା ପଠାଇଥିବା ରାକ୍ଷୀକୁ ବଡ଼ ଭାଇ ଶ୍ରୀ ବଳଦେବଜୀଉ ଏବଂ ସାନ ଭାଇ ଶ୍ରୀ ଜଗନ୍ନାଥ ପିନ୍ଧିଥିଲେ । ଶ୍ରୀ ବଳଭଦ୍ରଙ୍କ ଜନ୍ମ ଉତ୍ସବରେ କେନ୍ଦ୍ରାପଡ଼ାର ବଳଦେବଜୀଉ ମନ୍ଦିରରେ ଭକ୍ତଙ୍କ ଭିଡ଼ ଦେଖିବାକୁ ମିଳିଛି ।