ନୂଆଦିଲ୍ଲୀ,  ସ୍ବାଧୀନତା ଦିବସ ପୂର୍ବରୁ ଦେଶରେ ବଡ଼ ଧରଣର ଆକ୍ରମଣ ଆଶଙ୍କା। ଏହି କାରଣରୁ ସୁରକ୍ଷା ବ୍ୟବସ୍ଥାକୁ କଡା କଡି କରି ଦିଆଯାଇଛି। ମିଳିଥିବା ସୂଚନା ଅନୁସାରେ, ଗୁଇନ୍ଦା ଏଜେନ୍ସି ଆର୍ଲଟ କରିଛି ଯେ, ୧୫ ଅଗଷ୍ଟ ପୂର୍ବରୁ ଦେଶରେ କରିପାରନ୍ତି ଆକ୍ରମଣ। ଆତଙ୍କବାଦୀମାନେ ମାନବ ବମ୍ ବା ଆତ୍ମଘାତୀଙ୍କୁ ସାହାଯ୍ୟରେ ଆକ୍ରମଣ କରିପାରନ୍ତି। ସେମାନେ ବିଶେଷ ଭାବରେ ଭିଭିଆଇପିଙ୍କୁ ଟାର୍ଗେଟ କରିବାର ଯୋଜନା କରିଛନ୍ତି। 

ଏହି କାରଣରୁ ଜମ୍ମୁ-କଶ୍ମୀରରେ ଅଧିକ ସୁରକ୍ଷା କଡାକଡି କରି ଦିଆଯାଇଛି। ନିକଟରେ ଜମ୍ମୁ-କଶ୍ମୀରରେ ଆତଙ୍କବାଦୀ ଆକ୍ରମଣ ଘଟଣାରେ ଖୁବ୍ ବୃଦ୍ଧି ହୋଇଛି। ବିଶେଷ ଭାବରେ ଜମ୍ମୁରେ ଆତଙ୍କବାଦୀ ଆକ୍ରମଣ ବଢିଛି। ଏବେ ଗୁଇନ୍ଦା ଏଜେନ୍ସି ଆର୍ଲଟ କରିଛି ଯେ, ଏହି ସମୟରେ ଆତଙ୍କବାଦୀ ଆକ୍ରମଣ ଘଟଣା ହୋଇପାରେ। ଏଭଳି ସ୍ଥିତିରେ ସତର୍କତା ବଢାଇବାର ନିର୍ଦେଶ ଦିଆଯାଇଛି।

ମିଳିଥିବା ସୂଚନା ଅନୁସାରେ, ପାକିସ୍ତାନୀ ଗୁଇନ୍ଦା ଏଜେନ୍ସି ଆଇଏସ୍‌, ଲସ୍କର-ଇ-ତୋଇବା, ଟିଆରଏଫ୍‌ ଓ ଜୈଶ-ଇ-ମହମ୍ମଦ ଭଳି ଆତଙ୍କବାଦୀ ସଂଗଠନ ପକ୍ଷରୁ ସାହାଯ୍ୟ କରାଯାଉଛି। ଏହି ସଂଗଠନକୁ ଆକ୍ରମଣ କରିବା ପାଇଁ ଉକସା ଯାଉଛି। କଠୁଆ, ଡୋଡା, ଉଧମପୁର, ପୁଞ୍ଛ ଓ ରାଜୌରୀରେ ଯେଉଁ ଭଳି ନିକଟରେ ଆକ୍ରମଣ ହୋଇଛି, ତାକୁ ଦେଖି ସତର୍କ ରହିବାକୁ ପରାମର୍ଶ ଦିଆଯାଇଛି। ଏଭଳି ଇନପୁଟ୍‌ ମିଳିଛି ଯେ, ହୋଶିୟାରବନ୍ଦ ଆତଙ୍କୀ ଏବେ ବି ଭାରତରେ ଅଛନ୍ତି ଓ ତାଙ୍କର ପ୍ଲାନ ଅନୁସାରେ, ଭିଆଇପି ଲୋକଙ୍କୁ ଟାର୍ଗେଟ କରାଯାଇପାରେ। ଗୁଇନ୍ଦା ଇନପୁଟ୍ ଅନୁସାରେ, ଗହଳି ସ୍ଥାନ ଓ ଆଇକନିକ୍ ସ୍ତାନକୁ ଟାର୍ଗେଟ କରାଯାଇ ପାରେ। ଜୈଶ-ଇ-ମହମ୍ମଦ ଓ ଲସ୍କ ପାଇଁ ଦିଲ୍ଲୀ ସବୁବେଳେ ପ୍ରାଇମ ଟାର୍ଗେଟ ରହିଛି। ଖବର ରହିଛି ଯେ, ପାକିସ୍ତାନୀ ଡ୍ରୋନ୍ ଜରିଆରେ ଲଗାତାର ପୁଞ୍ଛ ଓ ଜମ୍ମୁକୁ ହତିଆର ପଠାଯାଉଛି।