ନୂଆଦିଲ୍ଲୀ,୧୦।୯:  ଦେଶରେ ଓଟିଟି ପ୍ଲାଟଫର୍ମକୁ ରେଗୁଲେଟ୍ କରାଯିବାର ଦାବି ନେଇ ସୁପ୍ରିମକୋର୍ଟରେ ଆବେଦନ ଦାଖଲ କରାଯାଇଛି। ଏହି ଆବେଦନ ଭାରତରେ ଓଟିଟି ଓ ଷ୍ଟ୍ରିମିଂ ପ୍ଲାଟଫର୍ମ ଉପରେ ନଜର ଓ ପରିଚାଳନା ପାଇଁ ରେଗୁଲେଟରୀ ବୋର୍ଡ ଗଠନ କରିବାର ଦାବି କରାଯାଇଛି।ସୁପ୍ରିମକୋର୍ଟଙ୍କ ଓକିଲ ଶଶାଙ୍କ ଶେଖର ଝା ଏକ ଜନସ୍ବାର୍ଥ ମାମଲା ବା ପିଆଇଏଲ ଦାଖଲ କରିଛନ୍ତି।

ଆବେଦନରେ କୁହାଯାଇଛି, ସିନେମାଘରରେ ଦେଖାଯାଉଥିବା ଫିଲ୍ମର ବିପରୀତ, ଓଟିଟି କଣ୍ଟେଣ୍ଟ ରିଲିଜ୍ ପୂର୍ବରୁ ସାର୍ଟିଫିକେଟର ପ୍ରକିୟା ଦେଇ ଯାଇନଥାଏ। ଯେଉଁ କାରଣରୁ ଓଟିଟିରେ ସବୁବେଳେ ଚେତାବନୀ ବିନା ଅଶ୍ଲୀଳ ଦୃଶ୍ୟ, ହିଂସା, ନିଶାଦ୍ରବ୍ୟ ସେବନ ଓ ଅନ୍ୟ ହାନିକାରକ ସାମଗ୍ରୀ ବୃଦ୍ଧି ହେଉଛି। 

ଆବେଦନରେ କୁହାଯାଇଛି, ସରକାର ଆଇଟି ଆଇନ ୨୦୨୧କୁ ତିଆରି କରିଥିଲେ, କିନ୍ତୁ ଏହି ନିୟମର କୌଣସି ପ୍ରଭାବ ଓଟିଟି କଣ୍ଟେଣ୍ଟ ଉପରେ ପଡିନାହିଁ। ଏହି ପ୍ଲାଟଫର୍ମ ନିମୟ ଅଭାବର ଫାଇଦା ଏବେ ବି ଉଠାଉଛି। ବିନା କୌଣସି ଯାଞ୍ଚରେ ବିବାଦୀୟ କଣ୍ଟେଣ୍ଟ ପକାଉଛି। ଯାହାକି ରାଷ୍ଟ୍ରୀୟ ସୁରକ୍ଷା ଉପରେ ପ୍ରଭାବ ପକାଉଛି ଓ ଜୁଆ ଏବଂ ଡ୍ରଗ୍ସ ଭଳି ଜିନିଷର ପ୍ରାଧାନ୍ୟ ବଢାଉଛି।