ଟାରୌବା,୨୭/୦୬ : ସଫଳ ହେଲା ସ୍ୱପ୍ନର ଯାତ୍ରା। ଇତିହାସ ରଚିଲା ଦକ୍ଷିଣ ଆଫ୍ରିକା । ପ୍ରଥମ ଥର ପାଇଁ ଆଇସିସି ଟୁର୍ଣ୍ଣାମେଣ୍ଟର ଫାଇନାଲରେ କଲା ପ୍ରବେଶ । ସେପଟେ ଆଫଗାନିସ୍ତାନର ଫାଇନାଲ ଆଶା ଧୂଳିସାତ୍ । ସେମି ମୁକାବିଲାରେ ଦକ୍ଷିଣ ଆଫ୍ରିକା ଠାରୁ ୯ ଓ୍ବିକେଟ୍ରେ ପରାସ୍ତ ହୋଇଛି । ଏହାସହିତ ରାସିଦ ସେନାର ବିଶ୍ୱକପ୍ ଅଭିଯାନ ଶେଷ ହୋଇଛି ।
South Africa are through to their first Men's #T20WorldCup Final 🙌 pic.twitter.com/KwPr74MUJc
— ICC (@ICC) June 27, 2024
ସେମି ମୁକାବିଲାରେ ଟସ୍ ଜିତି ପ୍ରଥମ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ହେଲେ ଦଳ ଆଶା ଅନୁସାରେ କରିପାରିନଥିଲା ବ୍ୟାଟିଂ ପ୍ରଦର୍ଶନ। ଲିଗ୍ ଏବଂ ସୁପର-୮ ଷ୍ଟେଜ୍ରେ ବିରୋଧୀଙ୍କ ବୋଲରଙ୍କ ପାଇଁ ଟେନସନ୍ ସାଜିଥିବା ଗୁରବାଜଙ୍କୁ ଶୀଘ୍ର ଶୀକାର କରିଥିଲେ ଦକ୍ଷିଣ ଆଫ୍ରିକା ବୋଲର । ଆଉ ଏହାପରେ ପଡିଚାଲିଲା ଆଫଗାନୀ ବ୍ୟାଟରଙ୍କ ଓ୍ୱିକେଟ୍ । ଅଜ୍ମତୁଲ୍ଲାଙ୍କୁ ଛାଡି ଅନ୍ୟ କୌଣସି ବ୍ୟାଟର ଦୁଇ ଅଙ୍କ ସ୍କୋର ବି କରିପାରିନଥିଲେ । ଶେଷରେ ମାତ୍ର ୧୩ ଓଭର ବ୍ୟାଟିଂ କରି ଦଳ ୫୬ ରନ୍ର ଅଲ୍ଆଉଟ୍ ହୋଇଯାଇଥିଲା । ସେପଟେ ଦକ୍ଷିଣ ଆଫ୍ରିକା ପକ୍ଷରୁ ମାର୍କୋ ଜାନ୍ସେନ୍ ଏବଂ ସାମ୍ସି ସର୍ବାଧିକ ୩ଟି ଲେଖାଏଁ ଓ୍ୱିକେଟ୍ ନେଇଥିବା ବେଳେ ରାବାଡ଼ା ଏବଂ ନୋର୍ଟଜି ୨ଟି ଲେଖାଏଁ ଓ୍ୱିକେଟ୍ ନେଇଥିଲେ । ବାକି କେଶବ ମହାରାଜ କେବଳ ଜଣେ ବୋଲର ଯାହାଙ୍କ ଖାତା କୌଣସି ବି ଓ୍ୱିକେଟ୍ ଯାଇନାହିଁ ।
ଅନ୍ୟପଟେ ୫୭ ରନ୍ର ଟାର୍ଗେଟ ନେଇ ପଡିଆକୁ ଓହ୍ଲାଇଥିଲେ ଦକ୍ଷିଣ ଆଫ୍ରିକା ବ୍ୟାଟର । ସମସ୍ତେ ଭାବୁଥିଲେ କି ପୂର୍ବ ମ୍ୟାଚ୍ ପରି ଆଫାଗାନୀ ବୋଲର ସଂଘର୍ଷ କରିବେ । ଆଉ ମ୍ୟାଚ୍ ବେଶ୍ ରୋମାଞ୍ଚକର ହେବ । ହେଲେ କିଛି ସମୟ ପାଇଁ ମ୍ୟାଚ୍ରେ ରୋମାଞ୍ଚକର ଥିଲା । କାହିଁକି ୨ୟ ଓଭରରେ ଫଜଲ ଫାରୁକି କ୍ୱିଣ୍ଟନ ଡି କକ୍ଙ୍କ ଓ୍ୱିକେଟ୍ ନେଇ ମ୍ୟାଚ୍ରେ ରୋମାଞ୍ଚ ବଢାଇଥିଲେ । ହେଲେ ଦକ୍ଷିଣ ଆଫ୍ରିକା ବ୍ୟାଟର ତାହା କରିବାକୁ ଦେଇଥିଲେ । ଆଉ କାମ ଦେଇନଥିଲା ଆଫାଗାନୀ ସ୍ପିଡ୍ ଏବଂ ଫିର୍କୀ । ଶେଷରେ ହେନ୍ରିକ୍ସଙ୍କ ୨୯ ରନ୍ ଏବଂ ମାକ୍ରମଙ୍କ ୨୩ ରନ୍ ବଳରେ ସେମି ମ୍ୟାଚ୍ ଜିତିଯାଇଛି ଦକ୍ଷିଣ ଆଫ୍ରିକା । ମାତ୍ର ୯ ଓଭରରେ ଖେଳରେ ଏହି ଛୋଟିଆ ଟାର୍ଗେଟକୁ ହାସଲ କରିଛନ୍ତି ଦକ୍ଷିଣ ଆଫ୍ରିକା ବ୍ୟାଟର ।