ନୂଆଦିଲ୍ଲୀ,୩୦/୬ : ଭାରତ ସାଉଥ ଆଫ୍ରିକାକୁ ହାରାଇ ଟି-୨୦ବିଶ୍ବକପର ତାଜ୍ ନିଜ ନାଁରେ କରି ନେଇଛି । ଟିମ୍ ଇଣ୍ଡିଆ ୧୭ବର୍ଷ ପରେ ଫର୍ମାଟରେ ଚାମ୍ପିୟନ ହୋଇଛି । ପ୍ରଥମ ଥର ୨୦୦୭ରେ ଟ୍ରଫି ଉଠାଇବାକୁ ସୁଯୋଗ ମିଳିଥିଲା । ଭାରତ ୨୦୧୧ ପରେ କୌଣସି ବିଶ୍ବକପ ଜିତିବାରେ ସଫଳ ହୋଇନଥିଲା । ସେହିଭଳି ରୋହିତ ଶର୍ମାଙ୍କ ଟିମ୍ ୧୧ବର୍ଷରୁ ଅପେକ୍ଷା କରିଥିବା ଆଇସିସି ଟ୍ରଫିକୁ ସୁଖରେ ସମାପ୍ତ କରିଛି । ୨୦୧୩ରେ ମହେନ୍ଦ୍ର ସିଂହ ଧୋନୀଙ୍କ ଅଧିନାୟକତ୍ବରେ ଚାମ୍ପିୟନ୍ସ ଟ୍ରଫିରେ ବିଜୟ ମିଳିଥିଲା ।
ବାରବାଡୋସରେ ଖେଳା ଯାଇଥିବା ଫାଇନାଲ ମ୍ୟାଚ୍ ପରେ ଖେଳାଳୀଙ୍କ ଇମୋସନ ସାମ୍ନାକୁ ଆସିଛି । ଉଭୟ ଟିମର ଖେଳାଳୀ କାନ୍ଦୁଥିବା ନଜର ଆସିଥିଲା । ଫରକ ଏତିକି ଥିଲା କି କିଏ ଖୁସି ରେ ତ କିଏ ଦୁଃଖରେ କାନ୍ଦୁଥିଲା । ରୋହିତ ଶର୍ମାଙ୍କ ବ୍ୟତୀତ ବିରାଟ କୋହଲୀ, ହାର୍ଦ୍ଦିକ ପାଣ୍ଡ୍ୟା ଏବଂ ଅନ୍ୟ ଖେଳାଳୀ ଆଖିର ଲୁହକୁ ସମ୍ଭାଳି ପାରିନଥିଲେ । ଟି-୨୦ ବିଶ୍ବକପ ଜିତିବା ପରେ ରୋହିତ ମାଟିରେ ପଡ଼ିଯାଇଥିଲେ ଏବଂ ଭାବୁକ ହୋଇଯାଇଥିଲେ । ସେ ସେଠାରୁ ଉଠିବା ପରେ ସାଥି ଖେଳାଳୀଙ୍କ ସହ କାନ୍ଧ ମିଳାଇଥିଲେ ଏବଂ ପରେ ସ୍ତ୍ରୀ ରିତିକା ସଜଦେହଙ୍କୁ ଷ୍ଟାଣ୍ଡରୁ ପଡ଼ିଆକୁ ଡକାଇଥିଲେ ।
ରିତିକା ପଡ଼ିଆକୁ ଆସିବା କ୍ଷଣି ଉଭୟେ ଭାବୁକ ଥିଲେ ପରେ ରୋହିତଙ୍କୁ ଆଲିଙ୍ଗନ କରିଥିଲେ । ନଭେମ୍ବର ୨୦୨୩ରେ ବି ଉଭୟେ ଦିନିକିଆ ଫାଇନାଲ ପରେ କାନ୍ଦୁଥିବା ନଜର ଆସିଛନ୍ତି । କିନ୍ତୁ ସେତେବେଳେ ପରାଜୟର ଥିଲା । ଏଥର କିନ୍ତୁ ଖୁସିର ଲୁହ ଥିଲା । ରିତିକା ପୂରା ଟୁର୍ଣ୍ଣାମେଣ୍ଟ ସମୟରେ ଭାରତୀୟ ଟିମକୁ ଚିୟର କରୁଥିବା ନଜର ଆସିଛନ୍ତି । ତାଙ୍କ ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେଉଛି ।
ଅନ୍ୟପଟେ ପରାଜୟ ପରେ ଦକ୍ଷିଣ ଆଫ୍ରିକାର ଖେଳାଳୀ କାନ୍ଦୁଥିବା ନଜର ଆସିଛନ୍ତି। ଡେଭିଡ ମିଲର ଶେଷ ଓଭରରେ ହାର୍ଦ୍ଦିକ ପାଣ୍ଡ୍ୟାଙ୍କ ବଲରେ ଆଉଟ ହୋଇଥିଲେ । ସେ ମ୍ୟାଚକୁ ଶେଷ କରିପାରିଲେ ନାହିଁ । ଏହାର ଅବଶୋଷ ତାଙ୍କୁ ଜୀବନ ସାରା ରହିବ । ମିଲରଙ୍କୁ ତାଙ୍କ ସ୍ତ୍ରୀ କ୍ୟାମିଲା ହ୍ୟାରିସ ଆଲିଙ୍ଗନ କରି ସମ୍ଭାଳିଥିଲେ । ଅଧିନାୟକ ଏଡେନ ମାର୍କରମ, ହେନରିଚ କ୍ଲାସେନ ଜ୍ୟାସେ ଖେଳାଳୀ ବି କାନ୍ଦୁଥିବା ନଜର ଆସିଥିଲେ । କ୍ଲାସେନ ଶାନଦାର ଅର୍ଦ୍ଧଶତକ ଲଗାଇଥିଲେ କିନ୍ତୁ ଟିମକୁ ବିଜୟୀ କରିପାରିଲେ ନାହିଁ।