ନୂଆଦିଲ୍ଲୀ,୨୯/୬ : ରୋହିତ ଶର୍ମା ଟି-୨୦ ବିଶ୍ବକପ ୨୦୨୪ରେ ଜୋରଦାର ଫର୍ମରେ ଅଛନ୍ତି । ଯେତେବେଳେ ଟିମ୍ ଇଣ୍ଡିଆ ଫଶିଛି ସେତେବେଳେ ରୋହିତଙ୍କ ବ୍ୟାଟ୍ ଚାଲିଛି । ବିଶେଷ କଥା ଏହି କି ଯେ, ଯଦି ଆମେ ନଜର ପକାଇବା ତେବେ ନିଜ ବ୍ୟାଟିଂ ସମୟରେ ରୋହିତ କେବେ ନିଜ ରେକର୍ଡ଼ ବିଷୟରେ ଭାବି ନାହାନ୍ତି ।
ରୋହିତଙ୍କ ବ୍ୟାଟ୍ ଯେତେବେଳେ ଚାଲିଥାଏ ତ ସମ୍ପୂର୍ଣ୍ଣ ଭାବେ ତୁଫାନୀ ଅନ୍ଦାଜରେ ସେ ନଜର ଆସନ୍ତି । ଆସନ୍ତୁ ଜାଣିବା ରୋହିତ ଶର୍ମାଙ୍କ ଓ୍ବେଷ୍ଟଇଣ୍ଡିଜ ଏବଂ ଆମେରିକାରେ ଆୟୋଜିତ ହୋଇଥିବା ଟି-୨୦ ବିଶ୍ବକପ୍ ୨୦୨୪ର ଯାତ୍ରା କିଭଳି ଥିଲା ? ରୋହିତ ଶର୍ମା ଏହି ଟି-୨୦ ବିଶ୍ବକପରେ ଏବେ ପର୍ଯ୍ୟନ୍ତ ୭ମ୍ୟାଚରେ ୨୪୮ରନ୍ କରିଛନ୍ତି । ଏହି ସମୟରେ ତାଙ୍କ ଆଭରେଜ ୪୧.୩୩ ଏବଂ ଷ୍ଟ୍ରାଇକ୍ ରେଟ୍ ୧୫୫.୯୭ ଅଟେ । ଯଦି ସେ ଫାଇନାଲରେ ୭୨ରନ କରୁଛନ୍ତି ତ ତେବେ ସେ କୌଣସି ଟି-୨୦ବିଶ୍ବକପରେ ସବୁଠାରୁ ଅଧିକ ରନ୍ କରିଥିବା ଖେଳାଳୀ ହୋଇଯିବେ ।
ବିରାଟ କୋହଲୀ ବାଙ୍ଗଲାଦେଶରେ ୨୦୧୪ବିଶ୍ବକପରେ ୩୧୯ରନ୍ କରିଥିଲେ ଏବଂ ଏହାପରେ ଅଷ୍ଟେ୍ରଲିଆରେ ୨୦୨୨ବିଶ୍ବକପ ସିଜିନରେ ୨୯୬ରନ କରିଛନ୍ତି । ୨୦୧୪ରେ ତାଙ୍କ ଦ୍ବାରା କରାଯାଇଥିବା ୩୧୯ରନ୍ ୧୦୬.୩୩ର ଆଭରେଜରେ ଆସିଥିଲା । ଯାହା କୌଣସି ବି ବ୍ୟାଟର ଦ୍ବାରା ଗୋଟିଏ ବିଶ୍ବକପ ସିଜିନରେ ସର୍ବାଧିକ ରନ୍ ଅଟେ ।
