ରାଉରକେଲା,୧୬/୧୦: ପାଞ୍ଚ ବର୍ଷର ପୁଅର ହାତ ବାନ୍ଧି କୂଅରେ ପକାଇଲା ସାବତ ମା । ହତ୍ୟା କରି ନିଖୋଜ ଦର୍ଶାଇ ଥିଲା ନୃଶଂସ ସାବତ ମା । ସୁନ୍ଦରଗଡ଼ ଜିଲ୍ଲା ରାଉରକେଲାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଚଳିତ ମାସ ୧୧ ତାରିଖରେ ପାଞ୍ଚ ବର୍ଷର ପୁଅର ହାତ ବାନ୍ଧି କୂଅରେ ପକାଇଥିଲା ସାବତ ମା । ଏଭଳି କାଣ୍ଡ କରି ପୁଅ ନିଖୋଜ ଥିବା କଥା ସ୍ୱାମୀଙ୍କୁ କହିଥିଲା । ସେହି ଦିନ ପୁଅ ନିଖୋଜ ହେବା ନେଇ ବାପା ଥାନାରେ ଏକ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ଘଟଣାର ତଦନ୍ତ କରିଥିଲା । ତଦନ୍ତ ପରେ ପୁଅର ମୃତଦେହ କୂଅରୁ ଉଦ୍ଧାର କରାଯାଇଛି । ଏହି ହତ୍ୟାକାଣ୍ଡ ସାବତ ମା କରିଥିବା ଜଣାପଡ଼ିଛି । ଏହା ଜାଣି ବୁଧବାର ସାବତ ମାକୁ ଗିରଫ କରିଛି ରଘୁନାଥ ପାଲ୍ଲୀ ପୋଲିସ ।