ମୁମ୍ବାଇ,୨୪/୧୦: ଅଭିଷେତ ବଚ୍ଚନ ଏବଂ ଐଶ୍ୱର୍ଯ୍ୟା ରାୟଙ୍କ ଛାଡପତ୍ର ନେଇ ଜୋର ଧରିଛି ଚର୍ଚ୍ଚା । ପ୍ରତିଦିନ ଏହି ଦମ୍ପତିଙ୍କ ଅଲଗା ହେବା ନେଇ ଭିନ୍ନ ଖବର ସାମ୍ନାକୁ ଆସୁଛି । କିନ୍ତୁ ଏହି ଖବର ଉପରେ ଷ୍ଟାର ଦମ୍ପତିଙ୍କଠାରୁ କୌଣସି ପ୍ରତିକ୍ରିୟା ମିଳିପାରିନାହିଁ । ଏହାରି ମଧ୍ୟରେ  ଅମିତାଭ ବଚ୍ଚନଙ୍କ ଗୋଟିଏ ପୋଷ୍ଟ ଫ୍ୟାନ୍ସଙ୍କୁ ପୁଣି ଚିନ୍ତାରେ ପକାଇଛି। ଅମିତାଭ ବଚ୍ଚନ ଏକ ଲାଟେଷ୍ଟ ପୋଷ୍ଟ ସେୟାର କରିଥିବା ବେଳେ ଯାହାକୁ ନେଇ ଅଭିଷେକ ଓ ଐଶ୍ୱର୍ଯ୍ୟାଙ୍କ ବିଚ୍ଛେଦ ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି । ଯାହା ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। 

ତେବେ ବଲିଉଡ ମେଗାଷ୍ଟାର ଅମିତାଭ ବଚ୍ଚନ କେବଳ ବଡ ପରଦାରେ ନୁହଁ ସୋସିଆଲ ମିଡିଆ ମାଧ୍ୟମରେ ତାଙ୍କ ପ୍ରଶଂସକଙ୍କୁ ମନୋରଞ୍ଜନ କରାଇଥାନ୍ତି । ସେ କେତେବେଳେ ମଜାଳିଆ ପୋଷ୍ଟ କରି ଫ୍ୟାନ୍ସଙ୍କ ମନ ଜିତନ୍ତି ତ କେତେବେଳେ କ୍ରିପ୍ଟିକ ପୋଷ୍ଟ କରି ଫ୍ୟାନ୍ସଙ୍କୁ ଅଡୁଆରେ ମଧ୍ୟ ପକାଇଥାନ୍ତି । ଗତକାଲି ରାତିରେ କେବିସି ୧୬ ର ସେଟରୁ ଅମିତାଭ ବଚ୍ଚନ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏଥିରେ ଅମିତାଭ ବଚ୍ଚନ ଲେଖିଛନ୍ତି, ଭାଇ କରିନିଅ । ତୁମେ ଯେତେ ଚେଷ୍ଟା କର,ତୁମ ଚେହେରାର କିଛି ଘଟିବ ନାହିଁ । ବର୍ତ୍ତମାନ ଅମିତାଭ ବଚ୍ଚନଙ୍କ ଏହି ପୋଷ୍ଟ ସୋସିଆଲ ମିଡିଆରେ ଅନେକ ଏହାକୁ ପସନ୍ଦ କରିଥିବା ବେଳେ ପ୍ରଶଂସାରେ ପୋତି ପକାଇଛନ୍ତି ତ ଅନେକ ଏହାକୁ ନେଇ ଅଭିଷେକ ଓ ଐଶ୍ୱର୍ଯ୍ୟାଙ୍କ ବିଚ୍ଛେଦକୁ ଯୋଡିଛନ୍ତି ।

ଅଭିଷେକ ଏବଂ ଐଶ୍ୱର୍ଯ୍ୟା ରାୟଙ୍କ ଅଲଗା ହେବା ଖବର ଦିନକୁ ଦିନ ବଢିବାରେ ଲାଗିଛି । ବଚ୍ଚନ ପରିବାର ଏବଂ ଐଶ୍ୱର୍ଯ୍ୟା ରାୟଙ୍କୁ ଅନେକ ଇଭେଣ୍ଟରେ ଏକାଠି ଯୋଗ ନଦେବା ନେଇ ଉଭୟଙ୍କ ବିବାହ ବିଚ୍ଛେଦ ଚର୍ଚ୍ଚା ଆରମ୍ଭ ହୋଇଥିଲା । ସାଇମା ୨୦୨୪ ପୂର୍ବରୁ ଅଭିନେତ୍ରୀଙ୍କ ହାତରେ ବିବାହ ରିଙ୍ଗ ନଥିଲା । ଏହା ପରେ ବଚ୍ଚନ ପରିବାର ଏବଂ ଐଶ୍ୱର୍ଯ୍ୟା ଏକତ୍ର ଅନନ୍ତ ଅମ୍ୱାନୀ ବିବାହ ଇଭେଣ୍ଟରେ ଯୋଗ ନଦେବା ଖବର ଅନେକ ହେଡଲାଇନ ସୃଷ୍ଟି କରିଥିଲା । ଐଶ୍ୱର୍ଯ୍ୟା ଆରଧ୍ୟାଙ୍କ ସହ ବଚ୍ଚନ ଘର ଛାଡ଼ି ନିଜ ମାଆଙ୍କ ସହ ରହୁଥିବା ଖବର ମଧ୍ୟ ସାମ୍ନାକୁ ଆସିଥିଲା । ଏପରିକି ଏବେ ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ମଧ୍ୟରେ ଆଉ ଜଣେ ଅଭିନେତ୍ରୀ ନିମ୍ରତ କୌରଙ୍କ ନାଁ ଆସୁଛି ।