ମୁମ୍ୱାଇ,୨୩/୧୦: ବଲିଉଡ୍ ଅଭିନେତ୍ରୀ ମଲାଇକା ଆରୋରା । ଆଜି ଅର୍ଥାତ୍ ୨୩ ଅକ୍ଟୋବରରେ ୫୧ ବର୍ଷରେ ପାଦ ଥାପିଛନ୍ତି ଏହି ଫେମସ୍ ଅଭିନେତ୍ରୀ । ସେ ୧୯୭୩ ମସିହା ଅକ୍ଟୋବର ୨୩ ତାରିଖରେ ଥାନେଠାରେ ଜନ୍ମ ଗ୍ରହଣ କରିଥିଲେ । ସେ ତାଙ୍କ ଡ୍ୟାନ୍ସ, ଫ୍ୟାଶନ୍ ଏବଂ ଫିଟନେସ୍ ପାଇଁ ସେ ସବୁବେଳେ ଚର୍ଚ୍ଚାରେ ରହିଥାନ୍ତି । ଫିଲ୍ମ କ୍ୟାରିୟର ବ୍ୟତୀତ, ମଲାଇକାଙ୍କ ବ୍ୟକ୍ତିଗତ ଜୀବନ ମଧ୍ୟ ଖୁବ୍ ଲାଇମ୍ ଲାଇଟ୍ରେ ରହିଥାଏ । ମଲାଇକାଙ୍କ ଜନ୍ମଦିନରରେ ଆସନ୍ତୁ ତାଙ୍କ ଜୀବନ ଯାତ୍ରା ବିଷୟରେ କିଛି ଜାଣିବା ।
୧୯୯୮ରେ ସଲମାନ ଖାନଙ୍କ ଭାଇ ଅରବାଜ ଖାନଙ୍କୁ ବିବାହ କରିଥିଲେ ମଲାଇକା ଆରୋରା । ଏହି ଦମ୍ପତିଙ୍କର ଏକ ପୁଅ ମଧ୍ୟ ଅଛି । ଯାହାର ନାମ ଅରହାନ ଖାନ। ବିବାହର ପ୍ରାୟ ୨୦ ବର୍ଷ ପରେ, ସେମାନଙ୍କ ସମ୍ପର୍କରେ ବିଶୃଙ୍ଖଳା ସୃଷ୍ଟି ହେଲା । ପରେ ମଲାଇକା ଏବଂ ଅରବାଜ ପରସ୍ପର ଠାରୁ ଅଲଗା ହେବାକୁ ନିସ୍ପତ୍ତି ନେଇଥିଲେ । ୨୦୧୭ରେ ଉଭୟଙ୍କର ଛାଡ଼ପତ୍ର ହୋଇଥିଲା ।
ଅରବାଜ ଖାନଙ୍କ ସହ ଛାଡପତ୍ର ପରେ ମଲାଇକା ଆରୋରାଙ୍କ ନାଁ ଅର୍ଜୁନ କପୁରଙ୍କ ସହ ଯୋଡ଼ି ହୋଇଥିଲା ।ଅର୍ଜୁନ କପୁର ମଲାଇକାଙ୍କ ଠାରୁ ୧୧ ବର୍ଷ ସାନ, କିନ୍ତୁ ବୟସ ପାର୍ଥକ୍ୟ ସତ୍ତ୍ଵେ ଦୁହେଁ ପରସ୍ପରକୁ ଡେଟ୍ କରିଥିଲେ । ଉଭୟଙ୍କ ଡେଟିଂ ୨୦୧୮ରେ ଆରମ୍ଭ ହୋଇଥିଲା । ଏହି କପଲ ପ୍ରଥମେ ସେମାନଙ୍କ ସମ୍ପର୍କକୁ ସିକ୍ରେଟ୍ ରଖିଥିଲେ । କିନ୍ତୁ ପରେ ସେମାନେ ଏହାକୁ ଅଫିସିଆଲ୍ କରିଥିଲେ । ଅନେକ ବର୍ଷ ଧରି ଏକ ସଂପର୍କରେ ରହିବା ପରେ ଚଳିତ ବର୍ଷ ଖବର ଆସିଲା ଯେ, ଦୁହେଁ ଅଲଗା ହୋଇଯାଇଥିଲେ । ଏହି ଖବର ଦ୍ୱାରା ଦମ୍ପତିଙ୍କ ପ୍ରଶଂସକମାନେ ନିରାଶ ହୋଇଥିଲେ । ତେବେ ମଲାଇକା କିମ୍ବା ଅର୍ଜୁନଙ୍କ କୌଣସି ଅଫିସିଆଲ ମନ୍ତବ୍ୟ ଆସିନାହିଁ ।
ଚଳିତ ବର୍ଷ ସେପ୍ଟେମ୍ବର ୧୧ ତାରିଖ ସକାଳେ ମଲାଇକା ଆରୋରାଙ୍କ ସାବତ ପିତା ଅନିଲ ମେହେଟ୍ଟା ଆତ୍ମହତ୍ୟା କରିଥିଲେ । ବାନ୍ଦ୍ରାସ୍ଥିତ ତାଙ୍କ ଘରେ ସେ ଆତ୍ମହତ୍ୟା କରିଥିଲେ । ବ୍ରେକଅପ୍ ଏବଂ ଛାଡପତ୍ର ପରେ ମଧ୍ୟ ଅର୍ଜୁନ କପୁର ଏବଂ ଅରବାଜ ଖାନ ତାଙ୍କ ଦୁଃଖରେ ସାମିଲ ହୋଇଥିଲେ । ଏହି ସମୟ ମଧ୍ୟରେ ମଲାଇକା ଏବଂ ଅର୍ଜୁନଙ୍କୁ ଏକାଠି ଦେଖିବାକୁ ମିଳିଥିଲା । ଏହି କପଲଙ୍କ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା । ପିତାଙ୍କ ମୃତ୍ୟୁ ପରେ ମଲାଇକା ଆରୋରାଙ୍କ ଧୀରେ ଧୀରେ ନିଜ କାର୍ଯ୍ୟକୁ ଫେରୁଛନ୍ତି ।