ରାଉରକେଲା, ୧୭।୧୦ : ରାଉରକେଲାରେ ସିଲ ହେଲା ଆଇସକ୍ରିମ ଫ୍ୟାକ୍ଟ୍ରି। ରାଉରକେଲା ମହାନଗର ନିଗମ ଫୁଡ଼ ସେଫଟି ବିଭାଗ ପକ୍ଷରୁ ଅତର୍କିତ ଚଢ଼ାଉ କରାଯାଇ ଆଇସକ୍ରିମ ଫ୍ୟାକ୍ଟ୍ରିକୁ ସିଲ୍ କରାଯାଇଛି। ବିନା ଲାଇସେନ୍ସରେ ବହୁ ବର୍ଷ ଧରି ଚାଲିଥିଲା ଆଇସକ୍ରିମ ଫ୍ୟାକ୍ଟ୍ରି।
ରାଉରକେଲା ସହରରେ ଜେଲ ରୋଡ଼ ନିକଟରେ ଏକ ଆଇସକ୍ରିମ ଫ୍ୟାକ୍ଟ୍ରି ରହିଥିଲା। ନକଲି ଫୁଡ଼ ସାର୍ଟିଫିକେଟ ତିଆରି କରି ଆଇସକ୍ରିମ ଫ୍ୟାକ୍ଟ୍ରି ଦୀର୍ଘ ଦିନ ଧରି ଚାଲୁଥଲା। ରାଉରକେଲା ମହାନଗର ନିଗମ ଫୁଡ଼ ସେଫଟି ବିଭାଗ ପକ୍ଷରୁ ଗୁରୁବାର ଅତର୍କିତ ଭାବେ ଚଢ଼ାଉ କରାଯାଇଥିଲା। ସେଠାରୁ ବିପୁଳ ପରିମାଣର ଆଇସକ୍ରିମ ଜବତ ସହ ନଷ୍ଟ କରାଯାଇଛି। ଫ୍ୟାକ୍ଟ୍ରି କୁ ସିଲ କରାଯାଇଛି।