ସୁନ୍ଦରଗଡ,୦୪/୧୦: ଘରେ ପଶି ଏକ ବୋଲେରୋ ଏବଂ ପିକ୍ଅପ୍ ଗାଡିରେ ଗାଡିରେ ନିଆଁ ଲଗାଇଲେ ଦୁର୍ବୃତ୍ତ । ଗାଡ଼ି ଦୁଇଟି ସମ୍ପୂର୍ଣ୍ଣ ଭାବରେ ପୋଡି ଯାଇଛି । ସୁନ୍ଦରଗଡ ଜିଲ୍ଲା ଭଷ୍ମା ଥାନା ଗୁଲୁଠା ଗ୍ରାମର ଲୋକଚରଣ ରୋହିଦାସଙ୍କ ଘରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଗୁରୁବାର ବିଳମ୍ୱିତ ରାତିରେ ଅଘଟଣ । ଗୁଲୁଠା ଗ୍ରାମର ଲୋକଚରଣ ରୋହିଦାସଙ୍କ ଘରେ ପଶି ଦୁଇଟି ଗାଡ଼ିରେ ନିଆଁ ଲଗାଇଲେ ଦୁର୍ବୃତ୍ତ । ଘରର ଗ୍ୟାରେଜ୍ରେ ଥିବା ଏକ ବୋଲେରୋ ଏବଂ ପିକ୍ଅପ୍ ଗାଡିରେ ନିଆଁ ଲାଗିବା ଫଳରେ ଗାଡି ଦ୍ୱୟ ସମ୍ପୂର୍ଣ୍ଣ ଭାବରେ ପୋଡ଼ି ଯାଇଛି । ଏହା ଦେଖି ତୁରନ୍ତ ଲୋକଚରଣ ଭଷ୍ମା ଥାନାରେ ଅଭିଯୋଗ କରିଥିଲେ । ଉକ୍ତ ଅଭିଯୋଗ ଆଧାରରେ ଘଟଣାସ୍ଥଳରେ ପୋଲିସ ପହଞ୍ଚି ଜଣକୁ ଅଟକ ରଖି ପଚରାଉଚରା କରୁଛି।
