ସୁନ୍ଦରଗଡ,୦୨/୧୦: ମଦ କାରବାରକୁ ବିରୋଧ କରିବାରୁ ହତ୍ୟାକାଣ୍ଡ । ଜଣେ ବ୍ୟକ୍ତିଙ୍କୁ ଇଟାରେ ଛେଚି ହତ୍ୟା କଲେ ଦୁଇ ଭାଇ । ହତ୍ୟାକାରୀ ସନବୋଧ ବୁଡା,ଭାଇ ଅଶୋକ ବୁଡା ଏବଂ ମୃତକ କରୁଣା ସିଂହ ବୋଲି ଜଣପଡ଼ିଛି । ସୁନ୍ଦରଗଡ ହେମଗିରି ଥାନା ଟାଙ୍ଗରଡିହି ଅଞ୍ଚଳରେ ଏଭଳି ଅମାନୁଷିକ ଘଟଣା ଘଟିଛି ।
ସୂଚନା ମୁତାବକ, ମଦକାରବାରକୁ ଅନେକ ଦିନ ଧରି ବିରୋଧ କରି ଆସୁଥିଲେ କରୁଣା ସିଂହ । ବୁଧବାର ସନବୋଧ ଏବଂ ଅଶୋକ ମୃତକ କରୁଣା ସିଂହ ସହ ଗଣ୍ଡଗୋଳ ଓ ମାରପିଟ କରୁଥିବାବେଳେ କରୁଣା ସିଂହ ଜୀବନ ବଞ୍ଚାଇ ନିଜ ଘର ଛାତ ଉପରକୁ ଦୌଡ଼ି ପଳାଇ ଥିଲେ । ପଛେ ପଛେ ସନବୋଧ ଓ ଅଶୋକ କରୁଣାଙ୍କ ଘର କବାଟ ଭାଙ୍ଗି ଘରେ ପଶିଥିଲେ । ଘରେ ପଶି ଛାତକୁ ଚଢ଼ି କରୁଣାକୁ ଇଟାରେ ଛେଚି ହତ୍ୟା କରିଥିଲେ । ଏହା ଦେଖି କରୁଣାଙ୍କ ପରିବାର ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ହେମଗିରି ପୋଲିସ ପହଞ୍ଚି ମୃତଦେହ ଜବତ କରିଛି । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଚଳାଇଛି ।
