ଭୁବନେଶ୍ବର,୧୧/୨ : ବହୁ କଳ୍ପନା ଜଳ୍ପନା ପରେ ରାଜ୍ୟ କଂଗ୍ରେସକୁ ମିଳିଛି ମୁଖିଆ । ଏଥର ପୂର୍ବତନ ସାଂସଦ ତଥା ବରିଷ୍ଠ କଂଗ୍ରେସ ନେତା ଭକ୍ତ ଚରଣ ଦାସଙ୍କୁ ଭରସା କରିଛି ଦଳ । ଭକ୍ତ ଦାସ ନୂତନ କରି ନିଯୁକ୍ତ ହେବା ପରେ ବିଧାୟିକା ସୋଫିଆ ଫିର୍ଦୋଷ କହିଛନ୍ତି , ରାଜ୍ୟ କଂଗ୍ରେସକୁ ଦୃଢ଼ ନେତୃତ୍ୱ ମିଳିଲା । ଆଗକୁ ଦଳ ଆହୁରି ସଂଗଠିତ ହୋଇ କାମ କରିବ ।
ନୂଆ ପିସିସି ସଭାପତି ଭକ୍ତ ଚରଣ ଦାସଙ୍କ ନିଯୁକ୍ତିକୁ ସେ ସ୍ୱାଗତ କରିଛନ୍ତି। ସୋଫିଆ କହିଛନ୍ତି କି, ରାଜ୍ୟରେ କେବଳ କଂଗ୍ରେସ ହିଁ ପ୍ରକୃତ ବିରୋଧୀ ଦଳର ଭୂମିକା ନିଭାଉଛି। ଏବଂ ଦଳ ଆଗକୁ ଆହୁରି ସଂଗଠିତ ହେବ ଏବଂ ୨୦୨୯ ନିର୍ବାଚନକୁ ଆଖିରେ ରଖି କାର୍ଯ୍ୟ କରିବ ବୋଲି କହିଛନ୍ତି, ବାରବାଟୀ କଟକର କଂଗ୍ରେସ ବିଧାୟିକା ସୋଫିଆ ଫିର୍ଦୋଷ।
