ଗାଏନା,୨୭/୦୬: ଭାରତୀୟ ଦଳ ଉପରେ ବଲ୍ ଟ୍ୟାମ୍ପରିଂ ଅଭିଯୋଗ ଆଣିଥିବା ପାକିସ୍ତାନର ପୂର୍ବତନ ଅଧିନାୟକ ଇଞ୍ଜାମାମ ଉଲ୍-ହକ୍ଙ୍କୁ ଟିମ ଇଣ୍ଡିଆ ଅଧିନାୟକ ତୀବ୍ର ସମାଲୋଚନା କରିଛନ୍ତି । ଅଷ୍ଟ୍ରେଲିଆ ବିପକ୍ଷରେ ବିଜୟ ପରେ ଇଞ୍ଜାମାମ ଏକ ଟିଭି କାର୍ଯ୍ୟକ୍ରମ ଅବସରରେ ଭାରତୀୟ ବୋଲରଙ୍କ ଉପରେ ଆପତ୍ତି ଉଠାଇଥିଲେ । ସେ କହିଥିଲେ ଅର୍ଶଦୀପ ସିଂହ ୧୫ତମ ଓଭରରେ ବଲ୍କୁ ରିଭର୍ସ ସୁଇଂ କରାଇଥିଲେ । ମାତ୍ର ୧୫ ଓଭର ପୁରୁଣା ବଲ୍ ରିଭର୍ସ ସୁଇଂ ହେବା ଆଶ୍ଚର୍ଯ୍ୟର ବିଷୟ । ଅମ୍ପାୟାରମାନେ ଆଖି ଖୋଲା ରଖିବା ଆବଶ୍ୟକ । ପାକିସ୍ତାନ ବୋଲର ରିଭର୍ସ ସୁଇଂ କରିଥିଲେ ବିବାଦରେ ଛନ୍ଦି ହୋଇଥାନ୍ତେ । ଭାରତ ପାଇଁ ଅମ୍ପାୟାରଙ୍କ ଆଖି ସର୍ବଦା ବନ୍ଦ ରହୁଛି ।
ବୁଧବାର ସମ୍ବାଦିକ ସମ୍ମିଳନୀ ଅବସରରେ ଇଞ୍ଜାମାମଙ୍କ ଆପତ୍ତି ବିଷୟରେ ପ୍ରଶ୍ନ କରାଯାଇଥିଲା। ଜବାବରେ ରୋହିତ ବିରକ୍ତି ପ୍ରକାଶ କରି କହିଥିଲେ,ଏଭଳି ପ୍ରଶ୍ନର କି ଉତ୍ତର ଦେବି? ଏଠାରେ ତାପ ମାତ୍ରା ଅଧିକ ରହିଛି । ଶୁଷ୍କ ଜଳବାୟୁରେ ବଲ୍ ରିଭର୍ସ ସୁଇଂ କରିବା ନୂଆ କଥା ନୁହେଁ । ପ୍ରତ୍ୟେକ ଦଳର ବୋଲର ରିଭର୍ସ ସୁଇଂ କରୁଛନ୍ତି । ବର୍ତ୍ତମାନ ଅପତ୍ତି ଉଠାଉଥିବା ଲୋକଙ୍କୁ ମସ୍ତିଷ୍କ ଖୋଲିବା ଆବଶ୍ୟକ। ଅଷ୍ଟ୍ରେଲିଆ କିମ୍ବା ଇଂଲଣ୍ଡ ନୁହେଁ, ବିଶ୍ୱକପ୍ ୱେଷ୍ଟ ଇଣ୍ଡିଜରେ ଖେଳାଯାଉଛି ।
ସୂଚନାଯୋଗ୍ୟ, ଭାରତ ଚଳିତ ଟୁର୍ଣ୍ଣାମେଣ୍ଟରେ ଅପରାଜେୟ ରହିଛି । ୬ଟି ମ୍ୟାଚ୍ ଜିତି ଭାରତ ସେମିରେ ପ୍ରବୋ କରିଛି । ଅର୍ଶଦୀପ ଚମତ୍କାର ବୋଲିଂ କରୁଛନ୍ତି ଓ ଇତି ମଧ୍ୟରେ ସେ ୧୫ଟି ୱିକେଟ୍ ନେଇ ସାରିଛନ୍ତି ।