ରାୟଗଡା,୮।୫ : ମୁଁ ଓଡିଶାକୁ ବହୁ ବାର ଆସିଛି।  ହେଲେ ଏବେ ଏଠାରେ ମୋଦିଙ୍କ ଶାସନ ସମୟରେ ବିକାଶ ହୋଇଛି। ଲୋକଙ୍କ ଉନ୍ନତି ହୋଇଛି। ଓଡିଶା ଜଗନ୍ନାଥଙ୍କ ଭୂମି। ପୁରା ବିଶ୍ବ ଏଥିପାଇଁ ଓଡିଶାକୁ ଚିହ୍ନୁଛି ବୋଲି ରାୟଗଡା ବାରିଝୁଲାଠାରେ ଅନୁଷ୍ଠିତ ବିଜୟ ସଂକଳ୍ପ ସମାବେଶରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଯୋଗ ଦେଇ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର  ଅବସରରେ କହିଛନ୍ତି।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଲେ ମୋଦିଙ୍କ ଶାସନ କାଳର ୨୫ କୋଟି ଲୋକ ଗରିବରୁ ମୁକ୍ତି ପାଇଛନ୍ତି। ଲୋକଙ୍କୁ ପକ୍କା ଘର, ପାନୀୟ ଜଳ, ଗ୍ୟାସ , ଆୟୁଷ୍ମାନ ଯୋଜନାରେ ଚିକିତ୍ସା ମାଗଣାରେ ଯୋଗାଇ ଦିଆଯାଉଛି। ମୋଦି ରାମ ମନ୍ଦିର ପ୍ରତିଷ୍ଠା କଲେ । ୩୭୦ ଧାରା ଉଚ୍ଛେଦ କଲେ । ଆଗକୁ ରାମ ରାଜ୍ୟ ପ୍ରତିଷ୍ଠା ହେବାକୁ ଯାଉଛି କହିଛନ୍ତି।  

ଭ୍ରଷ୍ଟାଚାର ପ୍ରସଙ୍ଗ ଉଠାଇ କଂଗ୍ରେସକୁ କଲେ ଟାର୍ଗେଟ ।ଏବେ ସାରା ପୃଥିବୀରେ ଭାରତର ମାନ ବଢିଛି। ଭାରତ କଣ କହୁଛି ତାହା ଶୁଣିବାକୁ ଅନ୍ତର୍ଜାତୀୟ ସ୍ତରରେ ସମସ୍ତ ଦେଶର ବଡ ନେତା ଶୁଣିବାକୁ ବ୍ୟଗ୍ର। ମୋଦି ସରକାର ଶାସନକୁ ଆସିବା ପୂର୍ବରୁ ଭାରତ ଅର୍ଥନୈତିକ ସ୍ତରରେ ୧୧ ତମ ସ୍ଥାନରେ ଥିଲା। ଏହା ଏବେ ୫ମ ସ୍ଥାନରେ ପହଞ୍ଚିଛି। ଆଗକୁ ଏହା ଆମେରିକା ଓ ଚୀନ ପରେ ୩ୟ ସ୍ଥାନରେ ରହିବ।  ଦେଶରୁ ଦୁର୍ନୀତି ହଟିବ। ତେଣୁ ବିଜେପି ପ୍ରାର୍ଥୀଙ୍କୁ ଭୋଟ ଦେଇ କେନ୍ଦ୍ର ଓ ରାଜ୍ୟରେ ବିଜେପି ସରକାର ଗଠନ ପାଇଁ ଆଶୀର୍ବାଦ କରିବାକୁ ସେ ଅନୁରୋଧ  କରିଥିଲେ।