ମୁମ୍ବାଇ: ‘କଳକୀ ୨୮୯୮ ଏଡି’ ଚଳଚ୍ଚିତ୍ର ରିଲିଜ୍ ହେବାକୁ ଆଉ ୪ ଦିନ ବାକି ଅଛି । କିନ୍ତୁ ଫିଲ୍ମ ସିନେମା ଘରକୁ ଆସିବା ପୂର୍ବରୁ ଦର୍ଶକଙ୍କ ଗହଣରେ ଏହାର କ୍ରେଜ୍ ବଢ଼ିବାରେ ଲାଗିଛି । ନିକଟରେ ଫିଲ୍ମର ଦ୍ବିତୀୟ ଟ୍ରେଲ୍ର ମଧ୍ୟ ରିଲିଜ୍ ହୋଇଛି ।ଏହାରି ମଧ୍ୟରେ ଫିଲ୍ମର ପ୍ରି-ରିଲିଜ୍ ବିଜନେସ୍କୁ ନେଇ ଚର୍ଚ୍ଚା ଲାଗିରହିଛି । ପିଙ୍କଭିଲାର ଏକ ରିପୋର୍ଟ ଅନୁସାରେ, ‘କଳକୀ ୨୮୯୮ ଏଡି’ର ପ୍ରି-ରିଲିଜ୍ ବିଜନେସ୍ ୩୫୦ କୋଟିରୁ ଅଧିକ ହେବ ।
କୌଣସି ଭାରତୀୟ ପିଲ୍ମର ଏହା ସର୍ବାଧିକ ବ୍ୟବସାୟ ବୋଲି କୁହାଯାଉଛି । ଆନ୍ଧ୍ର ପ୍ରଦେଶରେ ପ୍ରଭାସ ଅଭିନୀତ ‘କଳକୀ ୨୮୯୮ ଏଡି’ ୮୫ କୋଟି ଟଙ୍କା ହିସାବରେ ବିକ୍ରି ହୋଇଛି । ସିଡେଡ୍ ରାଇଟସ୍ ୨୭ କୋଟି ଟଙ୍କାରେ ଏବଂ ନିଜାମ ରାଇଟସ୍ ୭୦ କୋଟି ଟଙ୍କାରେ ବିକ୍ରି କରାଯାଇଛି । ଏହି ଭଳି ଫିଲ୍ମର ମୋଟ ଏପିଟିଏସ୍ ବିଜନେସ୍ ୧୮୨ କୋଟି ଟଙ୍କା ହେବ । ଏହା ବ୍ୟତୀତ ପିଲ୍ମ ତାମିଲନାଡୁ ଏବଂ କେରଳରେ ୨୨ କୋଟି ଟଙ୍କାର ଡିଲ ଫିକ୍ସ କରିଛି ।
କର୍ଣ୍ଣାଟକରେ ଫିଲ୍ମର ବିଜେନେସ୍ ୩୦ କୋଟି ଟଙ୍କା ହେବ ବୋଲି କୁହାଯାଉଛି । କଳକୀ ୨୮୯୮ ଏଡିର ଓଭରସିଜ୍ ଥ୍ରେଟିକାଲ ବ୍ୟବସାୟ ପ୍ରାୟ ୭୦ କୋଟି ଟଙ୍କା । ଫିଲ୍ମର ପ୍ରି-ରିଲିଜ୍ ବ୍ୟବସାୟରୁ ଜଣାପଡ଼ୁଛି ନିର୍ମାତା ବିଶ୍ବବ୍ୟାପୀ ୭୦୦ କୋଟି ଟଙ୍କା ରୋଜଗାର କରିବାକୁ ଆଶା ରଖିଛନ୍ତି । ନିର୍ମାତା ମଧ୍ୟ ଏଭଳି ଆଶା କରିବା ସ୍ବଭାବିକ, କାରଣ ଫିଲ୍ମର ବଜେଟ୍ ପାଖାପାଖି ୬୦୦ କୋଟି ଟଙ୍କା । ପ୍ରଭାସ, ଦୀପିକା ପାଦୁକୋନ, ଅଭିତାଭ ବଚ୍ଚନ ଏବଂ କମଲ ହାସନ ଅଭିନୀତ ‘କଳକୀ ୨୮୯୮ ଏଡି’ କୁ ନେଇ ଦେଶ ଏବଂ ବିଦେଶରେ ଖୁବ ଉତ୍ସାହ ଦେଖିବାକୁ ମିଳୁଛି ।
