ନୂଆଦିଲ୍ଲୀ, ୨୫/୬ : ସୋନାକ୍ଷୀ ସିହ୍ନା ଏବଂ ଜହୀର ଇକବାଲଙ୍କ ବିବାହ ୨୩ଜୁନରେ ଶେଷ ହୋଇଛି । ମାତ୍ର ଭିନ୍ନ ଭିନ୍ନ ଧର୍ମ ହେବା କାରଣରୁ ଉଭୟଙ୍କ ବିବାହ ସହଜ ନ ଥିଲା । କିନ୍ତୁ ଉଭୟେ ନିଜର ନିଷ୍ପତ୍ତି ଉପରେ ଅଟଳ ରହିଥିଲେ । ଜହୀର ଏବଂ ସୋନୀକ୍ଷୀ ଶେଷରେ ବିବାହ କରି ନିଜ ବିବାହର ଏକ ନୂଆ ନାଁ ଦେଇଛନ୍ତି । ସୋନାକ୍ଷୀ ମୁସଲିମ୍ ଅଭିନେତା ଜହୀର ଇକବାଲଙ୍କୁ ବିବାହ କରିବା ପରେ ଲୋକଙ୍କ ମଧ୍ୟରେ ଆକ୍ରୋଶ ଦେଖାଦେଇଛି । ଲୋକେ ଏହି ବିବାହର ବିରୋଧ ବି କରିଛନ୍ତି ଏବଂ ଆଲୋଚନା ବି କରିଛନ୍ତି । ଏଥିରେ ଲୋକେ ସୋନାକ୍ଷୀଙ୍କ ବାପା ଏବଂ ବରିଷ୍ଠ ଅଭିନେତା ଶତ୍ରୁଘ୍ନ ସିହ୍ନାଙ୍କୁ ବି ଘେରିବାକୁ ପଛାଇ ନାହାନ୍ତି । ମାତ୍ର ଏବେ ଲୋକମାନଙ୍କ ଟ୍ରୋଲିଂ ଉପରେ ଏବଂ ଝିଅର ବିବାହକୁ ‘ଲଭ ଜିହାଦ’ର ନା ଦେଇଥିବା ଲୋକମାନଙ୍କ ଉପରେ ଅଭିନେତା ନିଜର ମୁହଁ ଖୋଲିଛନ୍ତି ।

ଶତ୍ରୁଘ୍ନ ସିହ୍ନା ଝିଅର ବିବାହକୁ ବିରୋଧ ଏବଂ ଭୁଲ କମେଣ୍ଟ ଦେବା ଲୋକଙ୍କୁ କଡ଼ା ଜବାବ ଦେଇଛନ୍ତି । ଅଭିନେତା ସୋନାକ୍ଷୀ ଏବଂ ଜହୀରଙ୍କ ବିବାହ ପରେ ଟଇମ୍ସ ନାଓକୁ ଏକ ସାକ୍ଷାତକାର ଦେଇଛନ୍ତି । ଏହି ସମୟରେ ଅଭିନେତା କହିଛନ୍ତି କି, ଆନନ୍ଦ ବରଶ୍ବୀ ସାହେବ ଏଭଳି ପ୍ରଫେଶନାଲ ବିରୋଧ କରିବା ଲୋକଙ୍କ ବିଷୟରେ ଲେଖିଛନ୍ତି କି , ‘କିଛି ତ ଲୋକ କହିବେ, ଲୋକଙ୍କ କାମ ଅଟେ କହିବା । ‘ ସେ ଆଗକୁ ମଧ୍ୟ କହିଛନ୍ତି କି, ମୋ ଝିଅ କୌଣସି ଭାବେ ଭୁଲ କାମ କରିନାହିଁ, ଏହା ଅସମ୍ବିଧାନ କାମ ନୁହେଁ । ’