ରାୟଗଡା, ୭/୬ : ଜଳ ପ୍ରପାତରେ ଗାଧୋଉଥିବାବେଳେ ପାଣିରେ ବୁଡ଼ି ଜଣେ ଯୁବକ ନିଖୋଜ । ରାୟଗଡ଼ା ଜିଲ୍ଲା ବିଷମ କଟକ ଥାନା ଅନ୍ତର୍ଗତ ଚାଟିକଣା ନିକଟ ନିୟମଗିରି ପାହାଡ଼ ଉପରେ ଥିବା ଜଳ ପ୍ରାପାତରେ ଗାଧୋଉଥିବା ବେଳେ ଗୋଡ଼ ଖସି ଯିବାରୁ ଘଟିଛି ଏହି ଅଘଟଣ ।
ନିଖୋଜ ଯୁବକ ଜଣକ ଗୁଣୁପୁର ଅଞ୍ଚଳର ପୁଲିସ କନଷ୍ଟେବଳ ସଂଶୟ ମିଶ୍ରଙ୍କ ସାନ ପୁଅ ସୋରଜ ମିଶ୍ର ବୋଲି ଜଣାପଡ଼ିଛି । ଘଟଣାସ୍ଥଳରେ ବିଷମ କଟକ ଅଗ୍ନିଶମ ବାହିନୀ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ସରୋଜ ଆଜି ସାଙ୍ଗମାନଙ୍କ ସହ ମିଶି ନିଜ ମାମୁଁ ଘରକୁ ଆସି ନିୟମଗିରିର ଜଳ ପ୍ରପାତକୁ ବୁଲିବାକୁ ଯାଇଥିବାବେଳେ ଘଟିଛି ଏହି ଦୁର୍ଘଟଣା ।